U3F1ZWV6ZTQ4MzU2MTA4NDI4X0FjdGl2YXRpb241NDc4MDc5OTAzNTY=
recent
أخبار ساخنة

رواية بناتي مصايب بقلم آلاء على - الفصل الأول

مرحباً بكم أصدقائي وأحبابي عاشقي القراءة والقصص الرومانسية مع روايات كوميدية جديدة للكاتبة آلاء على علي موقعنا قصص نبيل
وموعدنا اليوم مع الفصل الأول من  رواية بناتى مصايب بقلم آلاء على

رواية بناتى مصايب بقلم آلاء على (الفصل الأول)

رواية بناتي مصايب بقلم آلاء على
رواية بناتي مصايب بقلم آلاء على

رواية بناتي مصايب بقلم آلاء على - الفصل الأول

صباح يوم جديد تشرق فيه الشمس لتنير الارض .. في فيلا الحمزاوي
تركض الخادمة بسرعة كبيرة الي حيث حديقة الفيلا حيث تجلس امرأة ما ترتدي نظارة القراءة وتقرأ بكتاب ما 

الخادمة التي تُدعي مديحة وهي تنهج : الحقي يا ست هانم

السيدة وهي تُدعي منى بخوف من شكلها : في ايه يا مديحة !!!؟

مديحة : في حد اتصل وقال إن ست سمية هانم هى وست سمر في القسم

منى بفزع : ايييييه ؟!

مديحة : والله حد اتصل دلوقتى وقالي كدا

منى : قسم ايه ؟!

مديحة : قسم *****

ذهبت منى تركض بسرعة الي حيث العنوان الذي أبلغتها به مديحة ... وبعد حوالي ربع ساعة وصلت إلي ذلك القسم

منى للعسكري: لو سمحت انا عايزه ادخل للمأمور !!

العسكري : اقوله مين ؟!

منى : قوله منى مبروك والدة البنتين اللي جوا

وما هي الا دقائق حتى سمح العسكري لها بالدخول .. دلفت الي غرفة المأمور

منى وهي تسلم عليه برسمية: اهلا وسهلا انا منى مبروك حرم المرحوم ...
قاطعها دخول أحد من الباب
نظروا الي ذلك الذي اقتحم الغرفة بدون سابق انذار

الضابط بترحاب شديد وهو يأدي التحية العسكرية:اهلا يا سيادة العقيد

العقيد وهو يُدعى سالم بعدما جلس : في ايه ؟! ايه اللي حصل .. قابضين ع البنتين دول ليه ؟!

الضابط بأدب وهو يجلس : يا فندم واحدة فيهم فتحت دماغ الراجل دا
"قالها وهو يشير ع رجل يجلس ع أريكة بعيدة"
والتانية خبطت الراجل دا بالعربية كسرتله رجله
"قالها وهو يشير ع رجل آخر يجلس بجانب الرجل الأول ع الأريكة "

سالم وهو يكلم الرجلين : اممممممم طيب دول بناتي واحنا ممكن نحلها ودي ومالهاش لازمة المحاضر

وبعد حوالي ساعه الا ربع خرجوا جميعا من ذلك القسم

منى لسالم بإمتنان : بجد شكرا جدا يا سالم مش عارفه من غيرك كان هيحصلهم ايه !!!

سالم : انتي بتقولي ايه يا منى دول زي بناتي ..اول ما مديحة كلمتني جيت ع طول

منى : ربنا يخليك يارب يا سالم

سالم لسمية بضحك : بس قوليلي يا سمية انتي فتحتي دماغ الراجل ليه ؟!!

سمية بتعب مزيف: انا تعبانة دلوقتي يا سولم عشان بذلت مجهود كتير وانا بفتحله دماغه .. بكرا هبقا احكيلك

سالم بضحك: طب وانتي يا سمورة ؟!

سمر بصوت واطي لسالم : بقولك ايه يا سولم ماتيجي تروح معانا الا امه الحاجة هتعمل معانا الجلاشة

سالم بضحك : تستاهلوا

سمر بمرح : ماشي يا سولم .. ان ما قولت ل لولو مبقاش انا

سالم بمزاح : احنا فينا من كدا !!؟

سمر بمزاح مقابل : اه فينا مش انت اللي بدأت

منى : انتوا بتقولوا ايه ؟!

سمية : هه لا ولا حاجه

منى : طب يلا بينا

وبعد حوالي ربع ساعة في فيلا الحمزاوي

منى وهي تركض ورائهم بالشبشب وباليد الأخرى تمسك عصاة طويلة ورفيعة : والله ما انا سيباكوا يا جذم يا ولاد الجذم

سمر وهي تركض وخلفها سمية : هدي نفسك يا منى .. انتي عندك الضغط

منى : ضغط ايه يااختي ... الضغط دا كان زمان دلوقتى بقا سكر ومرارة وكل حاجه بسببكم

سمية بمزاح: اهو اشكرينا بقا جبنالك سكر اهو بدل ما تشتري من برا

منى وهي تقذفها بالشبشب : وكمان ليكي نفس تهزري يا بجحة !!!
"ثم قالت بزعيق وصراخ "
انتوا متفقين عليا ولا حد مسلطكم عليا !!؟

سمر ببرأة مصطنعة: والله ولا متفقين ولا حاجه

سمية : والله يا منى انا روحت لقيتها هناك

منى وهي تدعى الهدوء : روحتي لقتيها هناك اه .. طيب انتي ليه فتحتي دماغ الراجل يا حبيبتي !!؟

سمية ببجاجة : نصب عليا في مية جوندي

منى : نصب عليكي في ايه ياااااختى ؟!!

سمية : مياية يا منى .. كنا متفقين اني اول ما اخلص نمرتي اخد ١٢٠٠ لقيته بيديني ١١٠٠ بس ويقولي استبينا

منى : اه وطبعا انتي مسكتلهوش وفتحتي دماغه

سمية : طبعا اومال اسكتله ولا اسكتله بعد ما كل حقي !!

منى : لا طبعا متسكتلهوش ..
"ثم وجهت كلامها لسمر "
وانتي يا ننوس عين امه !!؟

سمر : لا خالص انا مش زيها ... كل الحكاية اني كنت بتكلم في التليفون مع الواد عصعوصة اللي بيجبلي الورد .. فمخدتش بالي اني برجع لورا فخبطت الراجل دا

منى بتهكم : اه وطبعا نزلتي اعتذرتيله وهو مرضاش

سمر : لا طبعا انا نزلت اطمن ع العربية ..اتخدشت ولا لا

منى بإستخفاف وهي تقذفها بفردة الشبشب الاخري : اه طبعا العربية اهم

سمية : هما اللي غلطانين مش احنا

منى وهي تركض ورئها بالعصاة : هما اللي غلطانين يا معفنة يا ام صوت وحش .. ياللي بتطلعي ع المسرح تغني .. تروح الناس جارية من صوتك

سمية : لا استكوزة بقا يا منى انا مسمحلكيش دا كروان ... ولا الحقد هيشتغل بقا

منى : حقد !!!؟ وطب وربي ما انا سيباكي يا معفنة يا ام صوت وحش

سمر : ايوا يا ماما خليكي وراها .. مش عيب لما اروح القسم الاقيكي جاية ورايا الراجل يقول علينا عيلة رد سجون يعني !!!

منى وهي تركض ورائها هي الاخري : لا طبعا ميصحش كفاية انتي دخلتي

سمر وهي تركض بضحك: طبعا

مديحة وهي تركض تجاه منى : الحقي يا ست منى

منى بخوف وقلق : في ايه تاني يا مديحة انا والله بفكر اطردك ع الاخبار الشؤم اللي كل شوية تجيلي تجري بيها دي

مديحة : وانا مالي يا ست هانم .. هو انا اللي بجيب المصايب

منى : خلصي وقولي كنت جاية ليه ؟!

مديحة بهدوء وكأنها قد اعتداتت ع تلك : لا ابدا متقلقيش دا المدرسة بتاعت ست سالمين هانم والست سلمى اتصلت وعايزينك حالا ... شكلهم كدا عملوا مصيبة

ذهبت منى الي حيث المدرسة .. دخلت غرفة الناظرة وجدت ابنتيها الاتنين واقفين والمدرس جالس وكذلك الناظرة

منى بعد السلامات: خير في ايه ؟!

المعلم : بنات حضرتك يا فندم قلو ادبهم و.....

الناظرة : احنا هنكتفي بفصلهم اسبوع

منى : بس ...

الناظرة مقاطعة : دي اقل حاجة ممكن نعملها عشان خاطر حضرتك

منى وهي تغادر مع بناتها بعدما شكرت الناظرة واعتذرت للمعلم ... ذهبوا الي البيت ونفس المنظر تكرر مرة أخرى ولكن زاد عليهم سلمى وسالمين

منى : يا ولاد الجذم ياللي متربتوش بتشتموا المدرس

سالمين وهي تركض فوق الكنب : والله هو اللي غلطان

منى بعصبية: غلطان!!! ... غلطان ازاي ياختي !!!؟

سلمي : اهدي بس وانا هقولك

منى وهي تدعي الهدوء : اديني هادية .. اتكلمي

سلمى : كان بيسأل سالمين سؤال في جدول الضرب ... حاجة زي مرجعة سريعة كدا .. فسألها قالها خمسة في ستة بكام قالتله بتلاتين قالها طب ستة في خمسة بكام

منى مقاطعة :هي هي يا ولاد الغبية

سالمين بضحك :اهو دا نفس اللي قولتهوله

منى مستفهمة :قولتيله يا بن الغبية !!؟

سالمين بإيماءة : اه

سمر : جدعة يابت تربيتي

منى لسلمى بزعيق: طب وانتي داخلك ايه بالموضوع !؟

سلمي : يعني اسيب اختى لوحدها !!؟

منى بتهكم : لا طبعا اشتمي معاها

سلمي : اهو دا نفس اللي عملتوا

وهنا تدخل عليهم فتاه أخري تُدعى سما

سما مستفهمة: في ايه صوتكم جايب اخر الشارع

منى : تعالي شوفي اخواتك

سما : مالهم اخواتي م
قاطعها رنين هاتفها

منى : ما تردي ع الزفت دا بدل ماهو واجع دماغنا

سما وهي ترد : الووو ايوا يا حبيبي

المتصل :......

سما : اممممممم ماشي

المتصل : ........

سما وهي تقبل الهاتف : وانا كمان بحبك اموووووح
ثم أغلقت الخط

منى بإيتسامة : ههههه مين دا يا روووووووووح امك؟!

سما : دا طارق انتيمي يا منى

منى بإبتسامة : اه انتيمك وياترى بقا بقصمة ولا مرجع شعره لورا

ثم ركضت ورائها هي الآخرى

منى : العيب منى انا اللي مربتكمش وحيات امكم انتوا الخمسة لازم اعيد تربيتكم من اول وجديد
وركضت خلفهم وهم يركضون ويضحكون

"سمية وسمر وسما وسالمين وسلمي الخمسة اخوات
سمية الكبيرة ومتخرجة من كلية فنون جميله لكن بتحب الغنى جدا .. التانية سمر متخرجة من كلية العلوم ولكنها عاشقة الورد وعندها محل ورد كبير جدا ...التالته سما وهي بتدرس في كلية ألسن وبتحب الموضة جدا والأزياء والمكياج... الرابعة والخامسة سلمى وسالمين ودول بقا توأم وبيدرسوا لسه في المدرسة وسنهم ١٦ سنه "

سمية ذات الشعر البني المموج والعينان العسليتان والبشرة البيضاء والجسد الممشوق

سمر ذات الشعر الاشقر والعينان الرمادية والبشرة القمحية والقامة المتوسطة

سما ذات الشعر الاشقر والعينان الخضروتين التى ورثتهم عن امها فهي تشبها الي حد ما والبشرة البيضاء والقامة الطويلة

سلمي وسالمين فهما تؤأم متشابهه الي حد ما وقليل من يفرق بينهم فمها يتميزان بعينين زرقاوتين وراثهما عن أبيهم وانف وفم دقيقين والشعر الاسود القاتم والجسد الممشوق
★★★★★★★★★★★★★★
إلي هنا ينتهي الفصل الأول من رواية بناتى مصايب بقلم آلاء على
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

الاسمبريد إلكترونيرسالة