U3F1ZWV6ZTQ4MzU2MTA4NDI4X0FjdGl2YXRpb241NDc4MDc5OTAzNTY=
recent
أخبار ساخنة

رواية بناتي مصايب بقلم آلاء على - الفصل الثانى

مرحباً بكم أصدقائي وأحبابي عاشقي القراءة والقصص الرومانسية مع روايات كوميدية جديدة للكاتبة آلاء على علي موقعنا قصص نبيل
وموعدنا اليوم مع الفصل الثانى من  رواية بناتى مصايب بقلم آلاء على

رواية بناتى مصايب بقلم آلاء على (الفصل الثانى)


رواية بناتي مصايب بقلم آلاء على
رواية بناتي مصايب بقلم آلاء على



في اليوم التالي
منى تتحدث بالهاتف : الووو يا منال عامله ايه!!

منال : الحمدلله والله وحشاني يا منى انتي والبنات

منى : وانتي والله اكتر وجاسر وآسر وتامر عاملين ايه؟!

منال : الحمدلله والله كلنا كويسين

منى : خلاص هستناكي النهاردة بالليل انتي وهما

منال : حاضر هقول لسالم واقولك

منى : ماشي يا لولو هستناكي مع السلامة

ثم اعلقوا الهاتف

أما عند سمية وسمر وسما وسالمين وسلمي

سالمين بمرح: طب وبما أننا مطرودين اسبوع من المدرسة فأنا عايزة اخرج

سلمى : وانا كمان

سمية بمزاح : مش عارفه ليه حاسة أن انتوا كان نفسكوا تنطردوا من زمان

سلمي : يووووة من زمان يا حبيبتي

سالمين بمزاح : انتي مش عارفه انا بذلت مجهود ازاي عشان الطرد دا

سما بضحك: ونعمة التربية

سمر : انا عندي فرح البت نور بالليل .. تيجوا معايا ؟!

سمية مهلهلة :انا جاية وش

سما :وانا كمان

سلمي :وانا اكيد

سالمين : اشطا انا دايسة في اي حاجة

سمر : خلاص اشطا اتفقنا بس ازاي بقا هنقنع منى

سمية : اممممممم انا عندي فكرة ه......

وبعد دقائق كان كلا من سالمين وسلمى وسمية وسمر وسما يجتمعون حول منى

سلمي وهي تُطعمها : كلي دي مني يا منمون

سالمين وهي تُطعمها هي الاخرى : لا كلي دي مني انا

سمية وهي تمسح عرقها: انضفلك حاجة تانية يا نونا !!؟

سما : شوفي كدا المناكير مظبوط ولا اعملك حاجة تانية!!؟

سمر : مش عايزاني اطرقعلك صوابعك يا نونا بالمرة

منى : اممممممم مش بطال

سمية لسما بصوت واطي نسبيا: احمد يا ام احمد كل دا ومش بطال

منى : سمعتك يا جذمة وجيالك

سمية بضحك : حبيبت قلبي يا منمون والله

منى : بحسب

سما بمزاح : لا دا انتي كدا جيتي في ملعب سالمين ... قوليلها اي حاجة وهي تحسبهالك

سالمين بضحك: طبعا

منى : بس يا فاشلة يا بت الفاشلة منك ليها ... قولولي بقا بتعملوا كل دا ليه ؟!

سمية : عندنا فرح وعايزين نروحه

منى : اممممممم فرح مين ؟!

سمر : البت نور سجارة

منى بإستغراب : عيلتها اسمها سجارة !!؟

سمر : لا طبعا .. دا أطلقوا عليها الاسم دا عشان قبل كدا قفشوها في حمام الصبيان بتع........

سما وهي تضع يديها ع فم سمر : اسكتى الله يخربيتك هتفضحينا

منى بإنتباه : قفشوها فين!؟ ... كملي

سمر بضحك مصطنع حتى تصحح ما قالته : ههههههههههههههه بهزر بهزر

منى : اممممممم ومين بقا اللي عايز يروح فيكم ؟!

سلمي : كلنا

منى : وهو انتوا تعرفوا العروسة ؟!

سمية : اه ماهو احنا اللي هربنا العروسة لما قفشوها في حمام ال.....

سالمين مقاطعة بضحكة مصطنعة : ههههههههههههههه هاااا بقا يا منى قولتي ايه ؟!

منى : اممممممم بس متتأخروش

سلمى وهي تحتضنها : متخافيش علينا يا منى انتي مخلفة مصايب

منى بضحك : لا في دي واثقة منها ...
"ثم اردفت "
واصلا خالتكم جاية بالليل هي وعمكم سالم واسر وجاسر وتامر فمتتأخروش

الجميع : حاضر نسيبك بقا عشان نجهز
ثم ذهبوا

تسارع في الاحداث
وبعد وقت ليس بالطويل تجهزوا جميعا

سالمين بمزاح : يلا بقا اتجدعنوا عشان نلحق اللوز من أوله

منى وهى تدلف لهم : تلحقوا ايه ياااااختى ؟!!

سلمى وهي تصطنع الضحك : ههههههههههههههه قصدها الموز من أوله ... اصلهم بيوزعوا موز هناك

منى : اممممممم موز

سمر : يلا بينا بقا

منى وهي تقبلهم : ربنا يحميكم يارب

ذهبوا الخمسة الي حيث مكان قاعة الفرح .. جلسوا جميعا ع طاولة واحدة وبعد مدة

سما بملل : يوووووووووة انا زهقت

سمر : وانا

سمية بنبرة يعرفوها جيدا : طب بقولكوا ايه ما تيجوا نحَي العروسة

الجميع بضحك : يلا
ثم صعدوا ع كوشة العروسة

سمر وهي تسلم ع العروسة ثم العريس : مبروك يا نورا اخيرا هتتجوزي حب عمرك

نورا بتوتر : هاااا !!!

سلمي مُدعية البراءة : مش دا سعد اللي اتقفشتي معاه في حمام الولاد ؟!

العريس وهو يضرب نورا بالقلم : اييييه سعد !! وحمام ولاد!!
وما هي إلا لحظات حتى وجدوا الفرح بأكمله معركة والكراسي تطير بالهواء والانوار تنطفئ

سما وهي تضحك حتى ادمعت عيناها بعدما خرجوا من الفرح بعدما اشعلوه : ههههههههههههههه مش قادره

سلمى بدموع من كثرة الضحك : همووووووت

سمر بضحك : يالهوووووووي علينا

سالمين بضحك : الله يرحمك يا نورا كانت طيبة والله

سمية بدموع من كثرة الضحك : ههههههههههههههه مش قادره خلاص

أما في فيلا سالم المنسي
منال : يلا يا ولاد هنتاخروا خالتكم مستنيانا

جاسر : انا جاهز اهو

تامر : وانا كمان

اسر : وانا

سالم : يلا بينا

جاسر لسالم: ابا

سالم بمزاح: تك بوو عايز ايه ؟!

جاسر بمرح : ابا انا عايز ادوز

منال بعدم فهم : عايز ايه يااخويا ؟!

جاسر : احم عايز اتجوز يا لولو

منال بفرحة : لووووووووووووووولووووووووولي بجد ؟!

جاسر بمرح : اه بجد

منال وهي تحتضنه : مبروك يا حبيب ماما

جاسر بفرحة : الله يبارك فيكي يا ماما

سالم : ويا ترى بقا عايز تتجوز مين يا حبيبي ؟!

جاسر : عايز اتجوز سالمين

منال بنفس الابتسامة وگأنها لم تستوعب : اه سالمين مين ؟!

جاسر بجدية : سالمين بنت اختك يا ماما .. هو احنا نعرف سالمين غيرها

منال : اه سالمين اللي في تانية ثانوى ؟!

جاسر : أيوة

منال : اه سالمين اللي عندها ١٦ سنة وانت عندك ٣٠ سنة

جاسر بضحك : اه الله ينور عليكي

منال : وهي تقذفه بالفاظة : تك اواه يا روووووووووح امك سايب الكبار وماسك في الصغيرة اللي انت عمرك ضعف عمرها

جاسر بضحك وهو يختبئ خلف أخيه تامر : هدي نفسك يا منال

منال : اهدي نفسي!!! .. هو انت خليت فيا عقل ... يعني يابن الجذمة يوم ماتقول هتجوز .. تقول عايز اتجوز بت عمرك ضعف عمرها

تامر بضحك : انت بتهزر يا جاسر مالقتش غير سالمين يعني ؟!

جاسر : ماليش دعوه انا بحبها

سالم وهو يقذفه بالجذمة: حبك برص يا بن الجذمة

منال لسالم بصريخ : انت بتشتمني يا سالم !!!؟

سالم وقد تدارك ما قاله : ههههههههههههههه مش قصدي انتي يا حبيبتي

اسر بضحك : انت بتهزر يا جاسر مافيش غير سالمين يعني ؟!
ثم أردف
ماما انا كمان عايز اتجوز

منال بزعيق : اوعك تقولي انت كمان عايز تتجوز سالمين !!!
اسر : لا طبعا سالمين ايه الطفلة دي اللي اعوز اتجوزها

جاسر بمرح من خلف تامر : لم نفسك يا اسر .. سالموني مش طفلة

سالم متجاهلا كلام جاسر : ربنا يكملك بعقلك يا بني قولي بقا عايز تتجوز مين ؟!!

اسر وهو يركض يختبئ خلف تامر هو الآخر بضحك: عايز اتجوز سلمي

تامر بضحك حتى ادمعت عيناه : ههههههههههههههه

منال مُدعية الهدوء: اه سلمى دي اللي هي توأم سالمين صح ؟!

اسر بضحك : الله ينور عليكي يا لولو

سالم وهو يركض خلفهم الثلاثة ومعهم تامر ايضا : وحيات امكم ما انا سايبكم

منال وهي تقذفهم بأي شئ أمامها : لا سيبهوملي انا بقا

وبعد مدة ذهبوا جميعا الى فيلا الحمزاوي ... وصلوا قبل البنات .. رحبت بهم منى بشدة

أما عند البنات
سمر : تيجوا نروح الملاهي !!؟

سمية بفرحة : اشطا يلا

وذهبوا جميعا الي الملاهي

سما لسلمى : بت يا سلمى خدي صوريني وانا راكبة المقص

سالمين : مبلاش انتي مش قد المقص

سما : مالكيش دعوة انتي .. قدها إن شاء الله

سالمين بمرح : خليكي فاكرة اني قولتلك بلاش

سما : بصوا انا هركبها وحد فيكم هيصورني وانا هصوت عشان ابان اني مرعوبة وكل ما اصوت كل ما تخلوا الراجل اللي بيتحكم فيها يعلي السرعة عشان عايزة انشرها ع الفيس واغيظ العيال

سمية بضحك : انتي حرة ... احنا حذرناكي وانتي اللي مش راضية

تجاهلت سما كلامهم وصعدت الي اللعبة وسلمى تصورها وهي تصرخ بشدة

سالمين بإنبهار : يابت الاية ... لا تنفعي ممثلة شوفوا بتصرخ ازاي

سمر بضحك: اه

أما عند سما فكانت تصرخ بحق

سما : عااااااااااااااااااااااااااااااااااااا نزلوني

سمية للمتحكم: عَلي يا حاج السرعة

وكلما زادت السرعة تصرخ سما اكثر .. انتهت مدة اللعبة ونزلت سما من اللعبة وهي تتنحرر يمين ويسار

سمر : يابت الآية يا سوسا دا الفيديو هيجيب لايكز مالهاش نهاية

سما وهي تضربها بالقلم ثم تقع أرضا : يا ولاد الجذم .. انا كنت هموووت

سمر وهي تتحسس وجهها : اااه يا بنت الشبشب

سلمى بضحك شديد: ههههههههههههههه تستاهلي

سالمين بدموع من كثرة الضحك : تستاهلي مش قولتلك بلاش عملتي فيها هركليز

سمية وهي تسندها : ههههههههههههههه تعالي ياااختى تعالي وانا اقول للراجل عَلي اتاريكى واطية وانا معرفش

أسندت سمية سما وذهبوا الي البيت وما إن رأتها منى بتلك الحالة حتى شهقت

منى وهي تخبط بيديها ع صدرها : يالهوووووووي مين اللي بهدلك كدا يا سما ؟!

سالمين بضحك: لا ابدا اتبهدلت ايه ..دي بس جات تعمل فنش محستش بنفسها غير وهي في الارض

منى متسألة: اومال فين سلمي وسمر ؟!

سالمين : كانوا جاين ورانا معرفش ايه اللي اخرهم كدا

قاطعها دخول سلمى وسمر وهم يشغلون الهاتف بأغنية مبروك عليا بأعلى صوت ويرقصون عليها وما إن رأتهم سالمين وسمية بتلك الحالة حتى ألقت سمية سما أرضا وذهبوا إليهم يتراقصون معهم

سما وهي تقع أرضا : ااااااااااااااااااه

منال بضحك عليهم : ربنا يهديكم

وانضم إليهم تامر واسر وجاسر يتراقصون معهم ايضا واعتدلت سما وحاولت أن تتماسك وانضمت إليهم هي ايضا وشدت سلمى سالم معهم
ومني ومنال يضحكون عليهم
وفي لحظة استغلت سمر اندماج تامر بالرقص حتى قامت بضربة ع قفاه
تامر متأوها وهو يتحسس قفاهً : اااااااه

سمر : عشان لما اقولك بعد كدا متفتحش عليا التليفون لما ترن عليك تبقا تسمع الكلام

تامر بغل : تصدقي اني غلطان اصلا اني بعبرك

سالمين بضحك : ههههههههههههههه علمت عليك انا لو منك كنت كسرتلها رقبتها

سمر بخوف : بس يا حرباية

وماهي الا لحظات حتى ركض تامر خلف سمر والجميع يضحكون علي منظرهم

"اسر وجاسر توأم مختلف متخرجين من كلية هندسة وعندهم شركة أما تامر فهو لسه بيدرس في كلية تجارة لكن بيحب الورد جدا فبيساعد سمر "

★★★★★★★★★★★★★★★★

إلي هنا ينتهي الفصل الثانى من رواية بناتى مصايب بقلم آلاء على
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

الاسمبريد إلكترونيرسالة