U3F1ZWV6ZTQ4MzU2MTA4NDI4X0FjdGl2YXRpb241NDc4MDc5OTAzNTY=
recent
أخبار ساخنة

رواية بناتي مصايب بقلم آلاء على - الفصل السادس

مرحباً بكم أصدقائي وأحبابي عاشقي القراءة والقصص الرومانسية مع روايات كوميدية جديدة للكاتبة آلاء على علي موقعنا قصص نبيل
وموعدنا اليوم مع الفصل السادس من  رواية بناتى مصايب بقلم آلاء على

رواية بناتى مصايب بقلم آلاء على (الفصل السادس)


رواية بناتي مصايب بقلم آلاء على
رواية بناتي مصايب بقلم آلاء على
في فيلا سالم المنسي

اسر لمنال وهو يعطيها الهاتف : يلا بقا يا لولو خدي كلميها 

منال : لا هو احنا كنا لحقنا يا بني

جاسر : ايوا زمانها فكرت

منال نافية : لا مش هكلمها

جاسر : وعد مني لو كلمتيها هجبلك كل تحركات سالم

منال بإنتباه : بجد ياولا ولا بتضحك عليا !!!؟

اسر : وحيات والديكي ان كانوا عايشين أو ميتن ما بنضحك

منال وهي تأخذ الهاتف : ماشي أما نشوف

ومن ثم اتصلت بمنى

منال بترحاب : نونا ازيك عامله ايه ؟!

منى : الحمد لله يا لولو مبتتصليش ليه ؟

منال : والله مشاغل يا نونا والبنات عاملين ايه ؟!

منى بحب : الحمدلله كلنا كويسين

منال : مش انا عملت الوصفة اللي انتي قولتيلي عليها

منى : بجد وجابت نتيجة ؟!

منال : والله .....

اسر مقاطعا بصوت منخفض نسبيا : هو احنا فاكراني بالوصفة ولا ايه ؟؟

جاسر : يا ماما انتي متصلة تتكلمي عن الوصفة ونسيتي موضعنا

منال بصوت منخفض : ما تصبروا يا ولاد الجذمة

اسر : هو احنا فكرناكي !!!

منال لمنى : احم قوليلي يا منى رسيتي ع ايه في موضعنا ؟!

منى بتوتر : والله يا منال انا مش عارفه اقولك ايه ..البنات لسه صغيره

منال : يا منى والله ما هيتجوزا دلوقتي هيتخطبوا بس لحد ما يدخلوا الكليات إن شاء الله

منى بتفكير : طب هاخد رأيهم الاول

منال : ماشي يا نونا براحتك وابقي ردي عليا
ثم أغلقت الخط

جاسر : ها يا ماما قالتلك ايه ؟!

منال : هتاخد رأيهم الاول

اسر : يا ماما كنتي تمسكي فيها شوية

منال : امسك فيها ازاي يعني ..اكسر التليفون وانطلها منه

جاسر بضحك : ههههههههههههههه عثل عثل يا بت يا لولو

منال وهي تضربه : تك بت في عينك قوم يا واد انت وهو من هنا

أما عند سمية وسمر

سالم : خدوا راحه نص ساعة ونرجع نكمل

سمر وهي تقع ع الارض : لا يا سولم انا تعبت خلاص

وما إن سمع كلا من باهر ومعتز وسامح واياد وزياد تلك الاسم الذي قالته سمر حتى جلسوا بالأرض من كثرة الضحك

سالم بإستغراب: مالهم دول ؟!

سمية بضحك : ها ها ها ها بيضحكوا ع سولم

سالم وقد تدارك ما قالته سمر : احم ثابت يا حضرات الظباط

وقفوا جميعا وهم يحاولوا أن يتماسكوا من كثرة الضحك

معتز وهو يكتم ضحكته : اسفين يا فندم

سمر لسمية بضحك : ههههههههههههههه دول بيضحكوا ع سولم اومال لو سمعوا سلومتى هيعملوا ايه ؟!

سالم وهو يقرصها من أذنيها بمزاح : اسكتي انتي خالص فضحتيني

سمر بضحك : خلاص يا سلومتى مش هقول سولم دي تاني انا اصلا مبحبهاش

سالم : ايوا كدا

الفرقة : هههههههههههههههههههههههههههههههه

سالم : اقولك متتكلميش خالص احسن

سمر : احسن دا حتى الكلام بيتعبني

سمية بضحك : ههههههههههههههه عثله يا بت يا سمورة طالعة لاختك

معتز بصوت واطي : ههههههههههههههه دول طلعوا هبل

اياد بضحك : جدااااااا

سالم بجدية: طيب يلا كدا بالصلاة ع النبي هاتي يا سمر الكاب بتاعك

سمر وهو تعطيه إياه بمزاح : عاجبك صح .. ميغلاش عليك اسلومتي والله .. بس دي اخر حتة في السو
ولم تكمل كلامها
حيث وجدت سالم يشمم الكلب رائحة الكاب ثم تركه عليها

سمر وهي تجري بخوف من الكلب : عاااااااااااااااااااااا يا ماما

سمية بضحك : ههههههههههههههه وراها
ولم تكمل كلامها حيث وجدت الكلب يجري ورائها هي ايضا

سمية بصريخ: عااااااااااااااااااااااااااااااااااااا

سالم بضحك : يلااااااااااااااااا عايز همه ونشاط

اما الفرقة فقدت وقعت أرضا من كثرة الضحك

أما في فيلا الحمزاوي

منى لسلمى وسالمين : قولولي يا اخرة صبرى رأيكم ايه في حكاية جاسر واسر دي ؟!

سلمى بخجل مصطنع : الرأي رأي حضرتك يا ماما

منى : لووووووووووووووولووووووووولي
اول مرة من ساعه ما خلفتكم تقولولي ماما
هو الجواز هيأدبكوا ولا ايه ؟!

سما بضحك : لا وانتي الصادقة يا مونا دا هيحرفهم اكتر ما هما منحرفين

سالمين : مالكيش دعوة انتي يا حرباية

سما بغمزة : بقا انا حرباية طيب
بقولك ايه يا مونا النهاردة واحنا طالعين من الفيلا ورايحين المدرسة قا.....

سلمى مقاطعة بقلق: لا ما شاء الله احلويتي يا سوما اكتر ما انتي

سما بضحك : دلوقتي احلويت !!!

سالمين : لا والدايت باين كمان

سما بضحك : ناس متجيش غير بالعين الخضرا صحيح

منى : هااااا قولتوا ايه ؟!

سلمي : انا عن نفسي نوووو بُرملم

سالمين : مي تو

منى : وانا اقول ايه الادب اللي نزل عليكم مرة واحدة دا اتاريكم متربتوش خمس دقايق ع بعض حتى

تسارع في الاحداث
في المساء
في المعسكر
تتحدث سمر بالهاتف

سمر متسألة: والورد عامل ايه ياض يا تامر ؟!

تامر بمزاح: تامر باشا يا حيوانة

سمر بصوت منخفض: بقا كدا يا بن الهرمة اجيلك بس .. شكل قفاك وحشه ايدي

تامر : ايه مش سامع قولي اللي انتي قولتيه دا كدا تاني

سمر بضحك : ههههههههههههههه بهزر معاك يا تامر باشا

تامر بمزاح : اممممممم لا مش مسمحلك انك تهزري ويلا بقا غوري

سمر بغيظ تحاول أن تخفيه : طب بعد اذن حضرتك يا تامر باشا ممكن أسأل سؤال بريئ !!!

تامر بضحك يحاول أن يخفيه : اممممممم اخلصي قدامك دقيقة لو مقولتيش هرزع السكة في وشك

سمر بغيظ : ماشي .. الورد بعد اذن حضرتك يعني عامل ايه ؟! والواد عصعوصة بينتظم في الطلبيات ولا لا ؟!

تامر : اممممممم مش بطال .. يلا وقتك انتهي
ثم اغلق الخط وهو يضحك حتى ادمعت عيناه

أما عند سمر
سمر بتوعد : ماشي يا بن منال ارجعلك بس وانا هشبشبلك

سمية بضحك ع منظرها : ههههههههههههههه مالك ابت ؟! تموري عملك حاجة ؟!

سمر بغيظ : ابن منال بيزلني عشان سبتله المحل يتحكم فيه عبال ما ارجع

سمية بضحك : احسن عشان يطلع عليكى اللي بتعمليه فيه شوية

سمر : بقا كدا

سمية بمرح : ااااااه

تسارع في الاحداث
مرّ اسبوع ع تواجد سمية وسمر بالمعسكر
وفي يوم

سالم : انا لازم انزل الإدارة حالا

سمية بإستغراب : ليه يا سولم في حاجة ؟!

سالم : في معلومات جديده

سمر : طب وهما ليه مقالهاش في البتاع اللي انتوا بتتكلموا منه دا ؟!

سالم : دي معلومات سرية مينفعش تتقال كدا
ثم وجه كلامه لإياد

سالم لإياد : وانت هتكون مكاني يا اياد عبال ما ارجع وإن شاء الله مش هتأخر

اياد : ترجع بالسلامه إن شاء الله يافندم
غادر سالم

اياد لباقي الفرقة : يلا نكمل تدريب

سمر بتعب : والنبي يا اخ سيبنا نستريح شوية الا وركي قائم عليا وهيموتني

اياد : لا مافيش راحة يلا بينا

وبعد مدة من التدريبات الشاقة
جلست سمر ع الارض بتعب واجهاد : عليا الطلاق ما انا مكملة انا جسمي كله اتهد مش بس وركي .. ام المهمة اللي خسستني النص دي

باهر وهو يجلس أرضا هو أيضا وورائه باقي الفرقة: وانا كمان مش قادر

سامح بتعب : سيبنا شوية يا اياد شاله يخليك

اياد : اممممممم خلاص ماشي هسيبكوا ربع ساعة تستريحوا شوية

سمية : ايه ريع ساعة ايه ؟! دا انت لو سبتنا خمس سنين قدام جسمنا مش هيستريح برضو

اياد : لا هما ربع ساعة واسكتوا بقا عشان ماتتعبوش اكتر

سمية بصوت منخفض : عبوشكلك يا اخي داهية تاخد اللي جايبينك عشان لو كانوا ربوك مكنتش عملت فينا كدا

اياد : بتقولي حاجة ؟!

سمية بضحك مصطنع : ههههههههههههههه بقول أن حضرتك طيب وعثثثثثل جدا ما شاء الله

اياد : اه بحسب
أما معتز فقد سمع ما قالته فإبتسم وحاول أن يمسك نفسه من الضحك

وبعد ربع ساعة
اياد : يلا هنكمل

سمر بتعب : هو احنا كنا لحقنا نستريح يا اخ
ثم قالت بصوت منخفض
داهية تاخد ابو شكلك

اياد : بتربطمى تقولي ايه ؟!

سمر بضحك مصطنع : ههههههههههههههه بدعيلك في سري ربنا يجازيك يارب ع اللي بتعمله فينا

سامح بضحك وقد سمعها : ههههههههههههههه اه وانا شاهد انها قالت كدا

سمر : توشكر اسموحة اردهالك في عركة يارب تكون مطحون جوا ادخل اضربك مع الناس

زياد : ههههههههههههههه يخربيتك فصلتيني

معتز بضحك هو أيضا : مش معقول هو في كدا
أما اياد فإبتسم فقط

اياد بإبتسامة : خلاص هسيبكوا ربعاية كمان

باهر بضحك : يا سلام ع كرمك

اياد بضحك : ع الله يطمر

سمية بمزاح : اسكت بقا الا الكلام بيتعبنا

الفرقة بأكملها : ههههههههههههههه

زياد بضحك : مرة واحد اتكبس دمه اتحبس طق ومات

باهر بضحك : قصف جبهه

اياد بمزاح : بقا كدا طب عقابا ليكم بقا مافيش ربعاية ويلا انجروا قدامي

سمر بصوت واطي : الهي يوعدك بتسلخات يااخي

اياد : يلااااااااااااااااا عايز همة ونشاط

أما في مكتب العميد فتحي

سالم وهو يأدي التحية العسكرية: تمام يافندم

فتحي : الأوامر اتغيرت ومن بكرا سمر وسمية هيبدؤا

سالم بقلق : بس كدا بسرعة جدا يا فندم

فتحي : كل وقت بيعدي بيكون فيه خطر ع ارواح ناس كتير

سالم : تمام يا فندم بس ايه سبب تغير الاوامر يعني ؟!

فتحي : في اطفال بتختفي كتير اليومين دول

سالم : دا علي كدا بقا ناوين ع تهريب أعضاء كتير خارج البلد ومش زي كل مرة المرادي جامدة

فتحي : فعلا شكل دا اللي هيحصل المهم خليهم يستعدوا وبكرا تكونوا كلكم والفرقة طبعا معاكم ع مكتبي عشان ابلغكم الخطة

سالم : تمام يا فندم
ثم غادر راجعا الي المعسكر

★★★★★★★★★★★★★★
إلي هنا ينتهي الفصل السادس من رواية بناتى مصايب بقلم آلاء على
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

الاسمبريد إلكترونيرسالة