غير مصنف

رواية اعشقك إلي النهاية – لولو الصياد – الفصل التاسع

مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة لولو الصياد والتى سبق أن قدمنا لها العديد من الروايات ؛ وسنقدم لها الفصل التاسع من رواية أعشقك إلى النهاية بقلم لولو الصياد هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية

رواية اعشقك إلي النهاية بقلم لولو الصياد – الفصل التاسع


رواية اعشقك إلي النهاية - لولو الصياد
رواية اعشقك إلي النهاية – لولو الصياد

رواية اعشقك إلي النهاية بقلم لولو الصياد – الفصل التاسع

إقرأ أيضا: قصص قبل النوم 

انتهت خديجه من حديثها بغضب …
وكانت المفاجأة لها انها لم تثير غضب ادهم وانما انفجر ضاحكا وبقوه ولاول مره تراه خديحه يضحك هكذا وبتلك القوه والغريبه انها لاول مره تلاحظ ان لديه عمازات ظهرت عندما ضحك هكذا ولكن لماذا يضحك. ..
خديجه وهى تضع يدها بخصرها …
خديجه بعصبيه….ممكن افهم بتضحك على ايه…
ادهم وهو لايستطيع التوقف عن الضحك. ..
ادهم….بصراحه عليكى …
خدبجه…وده ليه ان شاء الله شايفنى برقص ….
ادهم …بهدوء ومازالت ابتسامته على وجهه ….
ادهم …اصلك صعبانه عليا يا عينى يوسف دلوقتى مبقاش خالى …
خديجه …بعدم فهم …تقصد ايه بكلامك ده…
ادهم….بهدوء وهو يجلس على طرف المكتب وينظر لها بسخريه ….
ادهم ….اصل يوسف هيخطب ورد وكلم جدى انهارده فعلشان كده صعبانه عليا اصل شكلك هيبقى وحش اوى …
خديجه….هيخطب ورد ازاى وامتى ويعرفها منين. …
ادهم …معرفش تفاصيل بس هى كانت مراته اصلا وبعدين اعرفى تفاصيل منها انا ماليش في الموضوع ده انا فيكى انتى يا غلبانه هتعملى ايه دلوقتى انا عندى حل تكتبى يافطه على ضهرك وتكتبى مطلوب عريس ولا اقولك هاتى كتاب كيف تصطادين عريس زى هند صبرى فى مسلسل عاوزه اتجوز وشوفى حظك ….
خديجه….والله ده انت طلعت ظريف بقه وبتعرف تهزر اهو ….
ادهم ….هههههه طبعا ….
خديجه….ماشى يا ادهم هنشوف مين هيضحك فى الاخر ولعلمك انا هوافق على الجواز بس اوعدك هخلى ايامك الجايه كلها عذاب يا ابن عمى …
ادهم …هستنى العذاب يا خديجه بس اتوقع هيبقى احلى عذاب …
خديجة بعصبيه …مستفز ….
وخرجت من الغرفة بغضب شديد وتوجهت مباشره الى غرفه هايدى ….
كانت هايدى تجلس شارده الذهن تفكر ماذا يوجد بتلك الخزنه يا ترى وماذا ترك لى ابى ولما تلك الخزنه باسمى انا فقط …افاقت هايدى من شرودها على صوت باب غرفتها…..
هايدى ….ادخل. …
دخلت خديجه بعصبيه وجلست على السرير دون أن تتحدث …
هايدى ….امممم واضح ان الاستاذ ادهم زعلك تانى …
خديجه بنظره عتاب ….لا المره دى زعلانه منك انتى …
هايدى بدهشه …منى انا طيب ليه …
خديجه…هو احنا مش اخوات …
هايدى …طبعا ….
خديجة. ..طيب ليه خبيتى عليا موضوع يوسف. ..
هايدى بتنهيده . لانه موضوع مكعبل اوى كل حاجه فيه غلط ومش مفهومه ….
خديجه …ازاى احكيلى واوعدك ورحمه بابا مش هحكى لاى حد …
هايدى …بهدوء…وانا مصدقاكى وهحكيلك كل حاجه بس الاول لازم تعرفى ان الموضوع ده والجواز مش بايدى وغصب عنى ….
حكت هايدى الى خديجه كل شىء من وفاه أخيها بالتبنى والحادث وموت اهلها واغتصابها من يوسف ورؤيتها لشهرزاد وزوجها ودخولها المشفى وكتب الكتاب والطلاق فى اليوم الثانى وتغير حياتها وانها اصبحت حفيده حرب واكتشافها بعد ذلك الحمل وتهديد شهرزاد ليوسف وخوفه من الجد وتقدمه للمره الثانيه للجد وتلك التمثيلية عن الحب …..
خديجه…بدموع…انا مش مصدقة ان يوسف وحش كده ده مش بنى ادم ده حيوان. ..
هايدى ….اخدت منه على القسوه ودايما يجرحنى….
خديجه بشك …ورد انتى بتحبى يوسف. ..
هايدى ….اكدب لو قلت مش بحبه بس حاسه انى مقسومه اتنين نص بيكرهه ومش قادر حتى يسمع صوته ولا اتخيله قدامى والنص التانى مش عاوز يبعد عنه نفسى ياخدنى فى حضنه ويقولى انا اسف وبحبك ساعتها هنسى كل حاجه عارفه رغم كرهى ليوسف وانه اغتصبنى والحمل ده حصل نتيجه اعتدائه عليا بس حاسه بفرحه جوايا ان فى حاجه منه ومنى متجمعه جوايا وبتكبر كل يوم نفسى اوى يا خديجه انسى كل حاجه نفسى النص اللى فيه الحب ينتصر وينسى الكره بس للاسف انا انسانه ومش قادره اسامحه رغم حبى ليه …
خديجة. …عارفه ليه مش عارفة تسامحيه يا ورد. ..
هايدى ….ليه ….
خديجه …بهدوؤ. ..لان لحد دلوقتى مشفتيش من يوسف غير الاسى والحزن والاذى لو يوسف اتغير صدقينى ساعتها هتنسى كل حاجه يا ورد لأن الحب بينسى اى حاجه مهما كانت وحشه ….
هايدى….مش عارفه ….بس سيبك منى عملتى ايه مع ادهم …
خديجه…كلم جدو وهنتجوز …
هايدى …طيب يا ستى مبروك اخيرا هتتجوزى حبيب القلب…
خديجه بحزن….للاسف حبيب القلب مبيحبنيش مفكرش فى الجواز منى غير لما غيرت مظهرى بس يعنى علشان الشكل الجديد بس نفسى كان يحب خديجة زى ماهى نفسى اسمع منه كلمة حب حقيقية. …
هايدى ….اصبرى يا خديجه ..ان الله مع الصابرين ….
خديجة. ..يارب صبرنى ……..
هايدى …يارب انا وانتى …..
…..
مر يومان وكان الجميع يتناولون الفطور فى منزل حرب حبن تحدث الجد….
الجد….ورد ….
هايدى …نعم يا جدو ….
الجد…خطيبك زمانه جاى كلمنى وهيجى علشان تروحوا تنقوا الشبكه وفستان الخطوبه ….
هايدى…بس ممكن اخد خديجة. ..
ادهم…معلش يا ورد مش هينفع لان احنا كمان هنخرج نشترى حاجات الخطوبه والشبكه وكمان عازم خطيبتى على الغدا….
خديجه…وانا ايه كيس جوافه هتاخدنى من غير ما اوافق…
ادهم …بنظره تحذير …لا طبعا بس عارف انك هتوافقى كده ولا ايه …
صمتت خديجة ولم تتحدث حتى لاتثير شك الجد والجده….
الجده….مبروك يا حبابيى عقبال ما اشوف عيالكم يارب….
الجميع …يارب…….
…….
بعد مرور حوالى ساعتين نزلت هايدى الى الاسفل حيث كان ينتظرها يوسف برفقه الجد….
هايدى …صباح الخير. ..
يوسف …صباح النور وأعطاها اجمل ابتساماته ….
الجد….يله روحوا علشان متتاخروش …
يوسف ….طيب نستاذن احنا يا عمران بيه …
عمران….يوسف عربية الحراسه هتمشى وراكم انت طبعا عارف الظروف. ..
يوسف. ..طبعا فاهم عن اذن حضرتك ….
خرجت هايدى برفقه يوسف دون اى حديث ركبت بجانبه دون اى حديث بينهم ….
يوسف بهدوء وهو يقود السيارة. ..ازيك يا هايدى ولا اقول ورد…
هايدى. …مش هتفرق اصلا….
يوسف …على فكرة انا حجزت ليكى عند دكتورة نسا علشان اطمن عليكى وعلى البيبى ….
هايدى بسخريه…ولا جايز عاوز تتاكد اذا كنت حامل ولا لا بس متقلقش انا عمرى ما اكذب فى حاجة زى دى انا اتمنى الموت ولا انى اتجوز واحد زيك ….
يوسف بعصبيه ….ياريت ياريت يكون فى احترام فى الكلام ما بينا اكتر من كده ومتنسيش انى هكون جوزك وابو ابنك او بنتك ….
هايدى ….اه فعلا ….
يوسف ….هنروح الاول نجيب الشبكه وبعد كده نروح للفستان وبعدها هعزمك على الغدا وبعدها هنروح للدكتور. …
هايدى …ببرود …وهى تنظر الى الخارج. …يا ترى لسه فى حاجة تانية لازم تتعمل ….
يوسف …لا …..
وبالفعل ذهبوا الى اكبر جواهرجى فى مصر وقام يوسف بانتقاء طقم الماظ رائع الى هايدى وبعدها توجهوا الى اكبر دور الازياء ….
دخلت هايدى لقياس فستان وحين خرجت وجدت يوسف بانتظارها ….
كانت الفستان احمر اللون يصل الى منتصف الفخد عارى الكتفين يلتصق بجسدها بشده …..
يوسف بغضب ….ايه الارف ده …
هايدى …بس عجبنى ….
يوسف. …على جثتى يا هايدى لو حصل عاوزانى اقول للناس ايه اتفرجوا على مراتى ولا الراقصه اللى فى ايدى …
هايدى .. انا مش محتاجه رايك والفستان عجبنى وهاخده ….
يوسف …بغضب ونظرة شريرة اثارت خوف هايدى. …
يوسف …..قسما بربى يا هايدى لو ما دخلتى غيرتى الفستان ده حالا لهتشوفى منى وش عمرك ما تتوقعيه وصدقينى محدش هيحوشك من ايدى ….
خافت هايدى منه بشده ودخلت مسرعه تغير ذلك الفستان الذى اختارته من الاساس حتى تثير غضب يوسف وتقسم بداخلها انا لم تكن لترتديه بالحفل ابدا ولكن فقط ارادات ان تجعله يغضب وترى هل يغار عليها ام لا …….
بعدها قام يوسف باختيار فستان فضى لها رائع وطويل ومحتشم واعجبت هايدى به بشدة ….
………..
على الجهه الاخرى كانت خديجه وادهم فى السيارة. ..
خديجة. ..ادهم …
ادهم ..بهدوء …نعم …
خديجه ….ممكن اطلب منك طلب وتنغذه ليا ارجوك …
ادهم …طبعا ….
خديجة. …ممكن نقف على الكورنيش شوية. ..
ادهم …بس الجو حر يا خديجه وكمان الدنيا زحمة. ..
خديجه…بس انا نفسى اقعد هناك ….
ادهم …بصى نخلص الل ورانا وبعدها اوعدك نقعد على الكورنيش. ..
خديجة. …بفرحه. …ميرسى اوى….
وبالغعل انتهوا من شراء كل شىء وكله بالموافقه بينهم وكان الجو هادىء بينهم وهاهم الان بالمطعم ….
ادهم …ها تخبى تاكلى ايه …
خديجة. …اى حاجه اطلب انت …
طلب أدهم الطعام وكانوا يتحدثون بهدوء حين سمعت خديجة صوت امراه ….
المرأة. …ادهم حرب يخربيت عقلك …
أدهم. …فريال ازيك عامله ايه …
فريال …تمام يا وحش …وجلست على الكرسى بجانبه ….عامل ايه واخبارك وحشتنى اوى. ..
ادهم …بحرج …ربنا يخليكى …
فريال….احنا لازم نتقابل وبعدين ادينى رقمك ….
هنا تدخلت خديجه بغضب …
خديجه…ده على أساس انى هوا يا هانم …
نظرت لها فريال بقرف …وانتى مين …
خديجه بغضب وهى تمسك كوب ماء ترميه على راس فريال …انا خطيبته يا روح ماما ……
شهقت فريال بقوه وغضب مما فعلته بها خديجة. ..
فريال بفضب …انتى غبيه ايه اللى عملتيه ده ….
خديجه وهى تقترب منها وتمسك بشعرها بقوه ….بصى يا حلوه انا مسمحش لحد يشتمنى ولا انه يقرب من حاجه بتاعتى واحمدى ربنا انى عملت كده بس المره جايه هتكون حاجه فيكى مكسورة ومن سكات كده مشفش خلقتك دى تانى قدامى. ..
فريال. ..بخوف….طيب طيب سيبينى ….
تركت خديجه شعرها فقامت فريال مسرعه وكان الشياطين تجرى ورائها ….
ونظرت خديجة تجاه ادهم وجدته يبتسم ويحاول بكل الطرق ان يكتم ضحكته فنظره له بعتاب وحملت حقيبتها وخرجت …..
كانت خديجة على باب المطعم تنتظر تاكسى حين وجدت ادهم يمسك يدها …
ادهم …على فين مش عيب تمشى من غيرى …
خديجه…بتهيئلى مش هتفرق كتير لان أساسا انت مش بتحترمنى ….
ادهم وهو يقودها الى السيارة وبعد ركوبهم …
ادهم…ازاى مش فاهم ده انا حتى سيبتك تبهدلى البنت والناس تتفرج وانا ساكت ….
خديجه بغضب. …ماهو العيب منك من الأول لو سيادتك عملت ليا قيمه واول ماجت قلتلها الزفته دى تبقى خطيبتى مكنتش ادلعت عليك بالطريقه المقرفه دى….
ادهم….وهو يضحك …بس انتى مش حابه تكونى خطيبتى وبعدين هو مش انا مش فارق معاكى ولا تكونى بتغيرى عليا ..
خديجه بسخريه …اغير عليك ليه شايف نفسك مين السلطان سليمان ولا تكونش فاكر انك تفرق معايا اصلا لا يا بابا فوق انا كل رد فعلى ده علشان منظرى لان اهم حاجة عندى كرامتى …
ادهم …مبتسما …واضح اوى …
خديجه.بضيق…ممكن تروحنى انا تعبت …
ادهم …مش عاوزه تقعدى على الكورنيش الاول….
خديجه بعصبيه وحزن …خلاص مش عاوزه حاجه نفسى اتسدت ….
أدهم. …براحتك نبقى نخرج يوم تانى …
خديجه…معتقدش انى هخرج معاك تانى مهما حصل. ….
ادهم …هنشوف يا خديجه ….
…………
على الجهة الأخرى …..
كانت هايدى ويوسف فى طريق العوده ….
هايدى ….ممكن سؤال …
يوسف …طبعا. ..
هايدى …هو بابا كان ايه طبيعه شغله …
يوسف ….بصراحه معرفش انا كل اللى اعرفه انه كان بيعمل فى تطوير الطاقة النووية غير كده معرفش لانى كنت صغير ….
هايدى …اوك….
يوسف …بس ليه بتسالى فى حاجة. ..
هايدى …بتنهيده …مش عارفه بس حاسة ان الخزنه ليها علاقه بالمشروع بتاع بابا واللى اتقتلوا بسببه …
يوسف …خزنه ايه مش فاهم. ..
هايدى ….المحامى بتاع بابا قالى ان فى خزنه باسمى ومحدش يقدر يفتحها غيرى. …
يوسف ….طيب وأية المشكله…
هايدى …جدو هو المشكله حاسه انه مش عاوزنى اعرف فيها ايه خايف اوى اللى قتلوا بابا يحاولوا يقتلونى تقريبا وطبعا ده واضح من الحراسه انا مبينتش له بس حاسه بكده….
يوسف بعصبيه …ازاى ده يبقى حد يقرب منك وده يبقى اخر يوم فى عمره ….
هايدى نظرت تجاه يوسف بدهشه فقد كان يتحدث بصدق حقيقى ويضغط بقوه على مقود السياره ….
صمتت هايدى ونظرت خارج السياره …
بعد دقائق. ..
يوسف ….هايدى ….
هايدى. ..نعم ….
يوسف …طبعا انتى سمعتى الدكتوره قالت ايه وانك ضعيفة فياريت تخدى بالك من نفسك شويه وتاخدى الادويه فى ميعادها…
هايدى…بهدوء …اوك….
يوسف ….حاجه كمان ….
هايدى …ايه هى …
يوسف. ..متخرجيش من البيت لو سمحتى من غير ما اكون عارف وكمان لازم الحراسه تكون معاكى ….
هايدى بسخريه …ايه خايف عليا ولا خايف اتقتل انا كمان….
يوسف ..بعصبيه.الكلام ده مفيهوش هزار وكلامى يتنفذ…
هايدى….ان شاء الله. …
………
فى احدى النوادي الرياضية الشهيرة ….
كان يسير سيف فى النادى شارد الذهن يستمع الى بعض الاغاني حين وجد امامه فادى ….
فادى …سيف الهراب حبيب هارتى …
سيف …اهلا يا فادى اخبارك. ..
فادى …تمام يا معلم بس انت اللى فين يا كبير من اخر مره كنا فى الشقة ومحدش شافك وبرن عليك تليفونك مغلق دايما….
سيف بكدب …اه اصله اتسرق منى وغيرت رقمى ….
فادى بسخريه …اتسرق برده ولا خدت العلقه التمام من اخوك وامك ….
سيف …بعصبيه …لا طبعا وبعدين انا راجل ومحدش له حكم عليا نهائي…
فادى …خلاص يا عم انت اتعصبت ليه بس…
سيف ..بهدوء …لا ابدا…
فادى …خلاص يا عم مدام كده يبقى لازم تيجى تسهر معانا انهارده ومفيش اى اعذار دى الشله كلها موجودة وعندى ليك مفاجأة. …
سيف. ..بس …
فادى …يا عم مفيش بس هستناك فى الشقه الساعه 8 تمام…
سيف …طيب ماشى هاجى ……
فادى …ماشى يا كبير هستناك هطير انا سلام ..
سيف …سلام ….
………….
فى غرفه هايدى …
هايدى…هههههههههه يخربيت عقلك يا خديجه عملتى كده بجد…
خديجه بعصبيه …والله لولا اننا كنا فى مكان عام كنت ضربتها علقه سخنه دى بنت مستفزه ….
هايدى …بس انتى غلطانه …
خديجه… غلطانه ليه ان شاء الله. ..
هايدى. ..لانك بينتى لادهم انك لسه عيله ودى تصرفات بصراحه وبدون زعل اطفال..
خديجه…مقدرتش اتحكم فى اعصابى كنت هموت من الغيظ ….
هايدى. ..يا خديجه لازم تتحكمى فى نفسك مش كل ما واحده تكلمه تعملى مشكله وكمان واضح اوى ان ادهم كان بيغيظك ..
خديجه….ازاى. ..
هايدى…أولا لان اللى عرفته عن ادهم مالوش فى البنات ثانيا رد فعله غريب يعنى لو البنت كانت تهمه كان رد فعله اختلف مش يضحك ويتبسط انك غيرتى عليه ثالثا ادهم كان عاوز يشوف فعلا هو فارق معاكى ولا لأ وانتى بهبلك ده بينتى له اللى هو عاوزه. …
خديجه….عندك حق بس والله كنت حاسه بخنقه اوى. ..
هايدى. ..بصى لما يحصل موقف زى ده تانى فكرى فى اى حاجه تشغل تفكيرك وحاولى تتحكمى فى اعصابك …
خديجه…هحاول …وانتى عملتى ايه مع يوسف ….
هايدى. ..لا جديد بس يوسف اتغير اوى من ساعة ما عرف انى بقيت حفيده عمران حرب. ..
خديجه…ازاى. ..
هايدى …اتغير بقى بيعملنى كويس ومش بيحاول يضايقنى وبيحاول يبين انه فارقه معاه….
خديجه….مش يمكن فعلا اتغير وبدا يحبك…
هايدى …معتقدش اللى زى يوسف ده ممكن يحب ولا انه قلبه يتحرك ….
خديجه…الله اعلم صدقيني الحب بيغير اى حد ….
هايدى. …معرفش …. خديجه. ..يارب عذب ادهم ويوسف بالحب ويبقوا هيموتوا علينا …
هايدى….هههههههع مجنونه ….
…………
فى باريس …..
فى احدى المطاعم الفخمه ….
سميه ….عباس انا هنزل مصر بعد اسبوع ….
عباس….ومستعجله ليه بس….
سمية. ..زهقت وابنى وحشنى اوى. ..
عباس ….خلاص براحتك …
سميه …وموضوعنا …
عباس….متقلقيش انا برتب لكل حاجة ….
سميه …انا نشوف وخلى بالك انا عملتلك كل اللى انت طلبته …
عباس …مش ببلاش يا حبيبتي. ..
سمية. …بس ده مع الاتفاق…
عباس …طبعا وانا عند كلمتى بعد الصفقه اقرى الفاتحة على ابن المحمدى …
سمية. …كده احبك يا عباس……
……………
فى فيلا المحمدى ….
يوسف ….خالتى ان شاء الله بعد بكره هنروح علشان الخطوبه وكتب الكتاب….
الخاله…معلش يا يوسف انا مش هقدر اجى معاك…
يوسف …ليه بس …
الخاله…علشان حمايا كلمنى انهارده وكتب كتاب خديجه وادهم كمان بعد بكره…
يوسف. …طيب ماهو انا كمان معاهم …
الخاله…ازاى مش فاهمه….
يوسف …اصل العروسة تبقى حفيده عمران بيه بنت بنته …
الخاله…ورد بنت منال معقول لقوها …
يوسف. …ايوه وهى عروستى ….
الخاله….مبروك يا حبيبي. …
يوسف …الله يبارك فيكى ….
الخاله….وهى حلوه زى امها….
يوسف ..بابتسامة. …ملكه جماا يا خالتى ….
الخاله…هههههه واضح انك بتحبها اوى….
يوسف بتوتر …اه طبعا. …..
……….
كان الشخص المكلف بمراقبه هايدى يتحدث الى الباشا. ..
الشخص….راحوا للمحامى والعين بتاعتنا عند المحامى سمع ان فى خزنه باسم البنت ومحدش يعرف فيها أية. ..
الباشا. ..وهى راحت فتحتها….
الشخص. …لا يا باشا لسه …
الباشا…عينك عليها واللى فى الخزنه ده يتعرف ولو له علاقه بالمشروع يجى باى تمن حتى لو هيموت فيها الف واحد انت فاهم ….
الشخص…فاهم يا باشا بس فى حاجة كمان…
الباشا…ايه هى …..
الشخص. …البنت هتتجوز يوسف المحمدى ….
الباشا…بتقول مين وامتى ده حصل. …
الشخص. ..معرفش يا باشا تفاصيل. ..
الباشا.بغضب..غبى تعرفلى كل حاجة عن الموضوع ده فاهم ….
الشخص. …اوامرك يا باشا…….

*********************
إلي هنا ينتهي الفصل التاسع رواية أعشقك إلى النهاية بقلم لولو الصياد

تابعوا صفحتنا على الفيس بوك للمزيد من روايات رومانسية
حمل تطبيق قصص وروايات عربية من جوجل بلاي

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق