غير مصنف

رواية جحيم ابن عمى – ماهى عاطف – الفصل الخامس والعشرون (الأخير)

مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة ماهى عاطف علي موقعنا قصص 26 وموعدنا اليوم مع الفصل الخامس والعشرون (الأخير) من رواية جحيم ابن عمى بقلم ماهى عاطف

رواية جحيم ابن عمى بقلم ماهى عاطف – الفصل الخامس والعشرون (الأخير)

إقرأ أيضا: روايات عالمية

رواية جحيم ابن عمى - ماهى عاطف
رواية جحيم ابن عمى – ماهى عاطف

رواية جحيم ابن عمى بقلم ماهى عاطف – الفصل الخامس والعشرون (الأخير)

 تابع من هنا: روايات رومانسية جريئة

دلفت ندي الي الحمام لتغسل وجهها لعلها تزيل اثر لدموعها خرجت وذهبت الي الدولاب ولملمت أشيائها لتسافر الي لندن مرةً اخري انتهت من تحضير حقيبتها ثم التقطت هاتفها ونظارتها وهبطت الي اسفل وجدت الجميع جالس ماعدا زياد نظر اليها الجميع بإستغراب
محمد….: ندي انتي رايحه فين وايه الشنطة دي
ندي…..: راجعة لندن تاني وهقعد هناك مش راجعة
نورا بصدمه….: مش هترجعي تاني ليه عايزة تسيبيني
ندي….: معلش يا ماما مش عايزة اقعد في مكان قاعد في طليقي
محمد…..: ندي قبل مايكون زياد طليقك هو ابن عمك ياريت تفهمي دا
ندي بعصبية….: افهم ايه قولتلي قبل مااتجوزه اني عمري ماهندم علي جوازنا دا أبداً وندمت جوزتهولي غصب عني وقولت ماشي اما يخوني ومحدش يقف جنبي مش هسمح لده أبداً وياريت محدش يمنعني من ان اسافر بعد اذنكم
محمد….:انا هسيبك تسافري تقعدي لوحدك انما حكايه مش هترجعي تاني دي انسيها خالص
ندي….: انشاء الله
جاءت لتغادر وجدت ماجي تبتسم بشر وإنتصار تقدمت منها ندي ثم قالت…..: انا عارفه انك عمرك ماحبتيني ولو جيه يوم من الايام وانتي كنتي مرات زياد وانا بحبه عمري ماادخل اوضة نومك وانتي مش موجوده وعمري ماافكر اعمل كدة تعرفي لية لان انا مش خرابة بيوت ولا خطافك رجالة واقولك علي حاجه زياد دلوقتي رجع لوحده والفضل ليكي يا ماجي استغلي بقا الفرصة دي وخليكي جنبه خلي يقدر ينساني مش دا اللي انتي عايزاه يابنت عمي بعد اذنك
القطت هذه الكلمات وارتديت نظارتها وغادرت وسط اندهاش ماجي والجميع تعلقت الانظار علي ماجي بحقد ثم صعدت الي اعلي وجدت ان الندم ينهش قلبها ندمت علي تدمير هذه العلاقه ثم جلست وضعت يدها علي وجهها وجلست وجدت صوت طرقات الباب اذنت لها بالدخول وكانت نورا….
نورا….: ممكن اتكلم معاكي ياماجي
ماجي بإستغراب لهذا الطلب….: اكيد يا طنط اتفضلي اقعدي
نورا….:انا عارفة من زمان انك بتحبي زياد.. ايوة متستغربيش انا عارفه من قبل ماتسافري امريكا بس عمري ماكنت افكر انك ممكن تعملي كدة في ولاد عمك انا مش زعلانه منك ولا هزعل لانك زي ندي بس هقولك علي حاجه لية تعملي كده فيهم مصعبش عليكي نفسك وانتي بتدمري حياة اتنين بيحبوا بعض فرحتي صح.. فرحتي ان زياد طلق ندي فرحتي لما ندي سافرت وياعالم هترجع تاني والا لا… بتعيطي ليه مش دا اللي انتي كنتي عايزاه وبشطارتك وصلتيله بس مش هقولك غير ربنا يسعدك يا ماجي بعد اذنك
غادرت نورا بينما جلست ماجي تبكي بشدة وقالت لنفسها….: انا انانية وغبية بس هرجعكو تاني لبعض واقسملكم هرجعكم تاني وبعد كده مش هتشوفوا وشي تاني
ثم ارتديت ملابسها وغادرت القصر عازمة علي فعل شيء
••••••••••••••••••••••••••
دلفت ماجي الي قصر المنشاوي وهي تشعر بالندم الشديد لتدمير العلاقه بين زياد وندي…
ماجد….: عملتي ايه
ماجي….: طلقها
ماجد بفرح وإعجاب….: براڤو ياحبيبتي بس قوليلي انتي مش مبسوطه لية مش دا زياد اللي كنتي هتموتي عليه وبتحبي
ماجي….:ايوة مش مبسوطه وندمانة كمان علشان سمعت كلامك وبوظتلهم حياتهم بزمتك انت مش زعلان
ماجد…:دا بجد بقا،،،ايوة مش زعلان لان ندي بتكون بتاعتي وملكي انا ومحدش يقدر يخدها مني وبعدين تعالي هنا مالك قلبيتي واتغيرتي مرة واحدة كدة والا هما صعبوا عليكي
ماجي….:ايوة اتغيرت حاولت اكون بني ادمة كويسه بس معرفتش لما عيشت مع ندي وزياد عرفت يعني ايه الحب والحنان طول عمري عايشة بدماغي وبعمل اللي يريحني بس النهارده لما عملت كدة ندمت اني خربت حياتهم
ماجد….:انا مش مستريحلك ناويه تعملي ايه
ماجي….:ناوية ارجع زياد وندي لبعض واطلع من حياتهم للأبد
ماجد…..:صدقيني لو عملتي كدة هقتلك يا ماجي وهندمك علي اليوم اللي اتولدتي فيه
ماجي….:انت عارف كويس اني مبتهددش واللي عندك اعمله بس حبيت اعيد كلامي تاني لو لمست شعرة واحده من ولاد العراقي هتندم يا ماجد يا منشاوي بعد اذنك
القت هذة الكلمات علي مسمعه ثم غارت بينما اعتلت الصدمة وجه ماجد قالقاً علي إخبار ماجي الجميع بالحقيقه ثم جلس يفكر ماذا يفعل……
••••••••••••••••••
صعدت ندي الي الطائرة بعدما اتمت الاجراءات اللازمة ثم جلست تفكر في ذكرياتها مع زياد وحبهم القوي ثم فاقت وقالت…..: هنساك يازياد وهقدر اعيش من غيرك اي نعم انا بتقطع من جوايا بس هقدر انساك يارب خليك معايا
ثم اغمضت عيونها وغطت في نوم عميق
••••••••••••••••••••••
دلف زياد الي القصر وجد الجميع جالس ماعدا ندي وماجي ولكن تفأجا بمي وحمزة يبكون تقدم منهم بقلق ثم قال…..:بتعيطوا لية يا حبايب بابي
مي ببكاء…..:مامي ثافرت ومث هترجع تاني وانا مث هيكون عندي ام تاني
زياد بصدمة….: سافرت سافرت ازاي وامتي
سهام…..:من ساعة ومش هترجع تاني وانت السبب
زياد…..:وانتو بالنسبالكم عادي محدش منعها لييييية
احمد…..:قبل ماتتكلم وتعمل راجل عايزك تخرس خالص وملكش دعوه بحد فينا غير لما ترجع ندي
زياد…..:مش انتو اللي كنتو في صفها ومحدش وقف معايا خالص مصدقونيش ودلوقتي بتقولي متكلمش حد فينا هو انتو اتدتوني فرصه اتكلم ولا ادافع عن نفسي لا ازاي لازم تكونوا واقفين مع الست ناندو وزياد يولع صح
محمد…..: تعرف لولا اني عامل حساب لاخويا كنت اديتك بالقلم عارف لية لانك واطي ومتستهلش ندي وانا غلطان اني جوزتهالك تعرف لو كنت اعرف انك ندل مكنتش وفقت علي الجوازة دي أبداً
سهام….: عنده حق انت متستهلش واحده زي ندي
نورا…..: صدقني يا زياد ندي لو حصلها حاجه مش هيحصلك كويس وانت عارف احنا ممكن نعملك ايه وخصوصاً ان محدش بقا طايقك خالص
جاء زياد ليتحدث قاطعه دلوف ماجي تقدم منها وقال بتصفيق…..: اهلا اهلا انسة ماجي لا انسة ايه مانتي بقيتي مدام زياد العراقي والا انا غلطان
احمد بتحذير….: زيااااااااد
زياد…..:ايه يا بابا هو انا قُلت حاجه غلط والا ايه مش دي الحقيقه مش دخلتوا اوضتي ولقتوها قاعدة علي السرير وانا قالع ا
قاطعه محمد….:زياااد لحد هنا واخرس
زياد بعصبية وصرخ…..:هفضل اخرس لحد امتي هاااا لحد امتي فوق محدش صدقني وعملته كارثه وخلتوني اطلقها من غير ماتسمعوني لييييية كدة ليييية انا هرتاح واريحكم مني خالص بما انتو مش طايقني وغير مرحب بيا خالص همشي ومش هتعرفوا مكاني أبداً بس عندي طلب خلي بالكم من مي وحمزة لان علي رأيي مي معندهمش ام تانيه سلام
ثم صعد الي اعلي لتحضير حقيبته…..
في الاسفل جلس الجميع وصعدت ماجي الي غرفتها تبكي بشدة…
نورا ببكاء….:يارب ايه اللي بيحصلنا دا يارب انت اللي عالم بالحقيقه يارب احميهم يارب
سهام…..: يارب
احمد…..: مش عايز اسمع صوت محمد خد مراتك واطلع وانتي يا سهام خدي معاكي مي وحمزة ومش عايز حد يحكي اي حاجه لنغم علشان متجيش وهي لسة متجوزة
دلف إياد الي القصر القي السلام ثم جلس وقال بتعب….: ماما انا جعان مش هتتعشوا
نورا….: حاضر ياحبيبي
ثم ذهبت لتطالب بتحضير العشاء ثم جلس إياد وشرع في بدأ الطعام وقال….: ايه دا مش هتأكلوا معايا وبعدين فين زياد وندي
نظزوا الجميع الي بعضهم بإرتباك لاحظ إياد في شئ ثم قال….: انتو مخبين عليا حاجه صح
نورا بتوتر…..: لا مش مخبين هنخبي ايه يعني
إياد….:ماما متكدبيش عليا فين ندي وزياد
قاطعه هبوط زياد وهو يحمل حقيبته استغرب إياد ثم قال….:زياد انت رايح فين وايه الشنطة دي
لم يُجيب زياد بل غادر
إياد بعصبيه….:ماحد يرد عليا في ايييه
قص عليه احمد ماحدث انصدم إياد مما سمعه ثم قال….:انا عمري مااصدق ان زياد يعمل حاجه زي كدة لانه بيحب ندي…. انتو ازاي صدقتوا مش عارف والله يعني شوفتوا اللي حصل دا ومخلتهوش يتكلم ويبرر لنفسه بس انا مش هسكت ولا هحكم عليه غير لما اعرف الحقيقه وهعرفها ودلوقتي اللي هقولهلكم تسمعوا علشان هيتنفذ تمام
الجميع….:تمام
إياد…..:****************
الجميع بضحك…..:موافقين
دلفت ندي الي الجناح وارتمت بجسدها علي السرير لتُريح جسدها من التعب الذي احتلها بعد دقائق وجدت صوت يصدح من هاتفها وجدت المُتصل إياد ابتسمت فهو كوالدها ثم اجابت….
ندي….:إيدو ازيك يا حبيبي
إياد…:الحمدلله ياقلبي انتي عامله ايه
ندي….:الحمدلله
إياد….:ايه اللي عملتي دا كدة تسيبينا وتمشي حتي مصعبش عليكي اخوكي اللي هيتجوز بعدبكره
ندي….:دا ازاي يعني ليان قالتلي انكم هتتجوزوا بعد اربع شهور
إياد…..:لا مانا فضلت ورا عمو مصطفى لحد ماوافق
ندي….:مش عارفه اقولك ايه يا إياد بس انا مش راجعة مصر تاني
إياد….: لية يا ندي طب خلينا نتكلم بالعقل شويه… انا عارف انك زعلانه من زياد وفي بينكم مشاكل ممكن متخليش علاقتك انتي وزياد تأثر فينا كأخوات ندي علشان خاطري لو بتحبيني تعالي هكون فرحان اووي يا ناندو
ندي بتفكير….:هحاول يا إياد
إياد بعصبية مصطنعه…..:كنت عارف انك مبتكبريش لحد عموماً ماشي ياندي متجيش براحتك خالص سلام
ثم اغلق في وجهها ولم ينتظر اجابتها…بينما زفرت ندي بضيق وقالت…..:ياربي اعمل ايه دلوقتي
ظلت تُفكر ثم تنفست بعمق وغطت في نوم عميق
•••••••••••••••••••••••
في قصر العراقي كان يجلس الجميع….
محمد….:والعمل
إياد….:هاتيجي
نورا….:ومالك واثق من نفسك كدة لية
إياد…..:لاني متأكد مليون في الميه انها هاتيجي
احمد….:وانا زي إياد واثق من كدة كويس اوي لان ندي بتعتبر إياد ابوها مش بس اخوها
محمد….:مش عارف بقا ربنا يستر
إياد….:بقولك ايه يا بابا متخلي الكلام حقيقى وتكلم عمو مصطفى علشان اتجوز بعد بكره
محمد….:والنبي انت فايق ورايق احنا بنحاول نرجع ندي وانت هنا بتفكر تتجوز والله انت ما عندك دم
إياد…:خلاص يا بابا بهزر انت مبتهزرش يا رمضان
نورا….:إياد اخرس شويه
إياد…..:هو كل شويه اخرس طب وربنا ماأنا لاعب
نظرة واحده من محمد اسكتته
إياد….:خلاص هتكلم جد…. احم دلوقتي عايزين نرجع زياد القصر تاني ومفيش قدمنا غير حل واحد
الجميع….:ايه هو
إياد….:عمو احمد
احمد….:انا
إياد….:اه هقولكم
إياد……:************
احمد….:كدة يا إياد بس ماشي
إياد….:معلش اصل مفيش حل تاني
احمد….:خلاص تمام اعمل اللي قولت عليه
إياد….:تمام وانا هكلم مراد علشان نتصرف
محمد….:لا مراد لسة عريس جديد
إياد….:مجاش من يوم يا بابا وبعدين انا واثق ان الخطة هتنجح
محمد….:ماشي يا إياد لما نشوف
إياد….:سلام بقا دلوقتي
ثم غادر إياد وذهب الجميع يُنفذ ماقاله إياد
••••••••••••••••••••••••••••
عند مراد كان نائم علي قدم نغم وهو يشاهدوا التلفاز ونغم تمسح علي شعره ولكن قاطع هذا الجوء صوت يصدح من هاتف مراد زفر بضيق ثم التقطت هاتفه وجده زياد استغرب لماذا يحادثه في هذا الوقت ثم أجاب…..
زياد……:الو ازيك يا مراد
مراد…:الحمدلله انت عامل ايه
زياد….:الحمدلله كنت محتاجك في حاجه
مراد…..:اؤمر ياصاحبي
زياد…..:انا عارف ان الوقت اتأخر بس محتاج اتكلم معاك يا مراد
مراد…..:طب قولي انت فين
زياد….:انا في الڤيلا اللي اشتريتها من شهر
مراد بإستغراب…..:لية في مشكله
زياد…..: لما تيجي يا مراد هحكيلك كل حاجه
مراد….:خلاص تمام نص ساعه وهكون عندك
ثم اغلق معه وجد نغم تنظر اليه بإستغراب ثم قالت بتساؤل….: في مشكلة يا مراد
مراد…..: لا يا حببتي مفيش حاجه دا زياد عايزني في ورق صفقة في مكتبي وهو عايزه ضروري
نغم…..:يعني ميستناش للصبح
مراد….:معلش يا حببتي هروح ومش هتأخر
نغم….:ماشي يا مراد
ثم تقدم منها وقبلها قبلة سريعة علي شفتيها وغمزلها بوقاحة ثم قال……:دي تصبيرة عقبال لما اجي
شهقت نغم من وقاحته ثم قالت…..:قليل الادب
مراد….:جدا ياروحي
ثم ذهب وارتدي ملابسه سريعاً وغادر الي زياد
•••••••••••••••••••••••
كان ماجد جالس قالقاً بشأن ماجي واخبارها للجميع عنه وعن مصائبه هذه كان يفكر ماذا يفعل لإسكاتها ولكن قاطعه صوت طرقات الباب زفر بضيق
ثم قال….:ادخل
دلف محمود اليه وجلس ثم قال له…..:مالك يا ماجد منزلتش تأكل معايا لية
ماجد بإبتسامة مصطنعه…..:مفيش حاجه ياحبيبي
محمود….:اقولك انا مالك وايه اللي شاغل بالك….خايف لماجي تقول لزياد علي انكم فرقتُهم عن بعض
ماجد بصدمة من حديث والده…..:ا انت بتقول ايه
محمود….:بقول اللي سمعته… سمعتك انت وماجي وانتو بتتكلموا امبارح لية يابني تعمل كده لية تفرق بين اتنين وتخرب بيتهم انا ربيتك علي كده ربيتك علي انك تاخد حاجه تخص حد تاني انا عارف انك بتحبها وهتتجنن عليها بس هي مش معبراك لولا اني عارف ان الشيطان هو اللي بيلعب في دماغك كنت روحت وحكيت لزياد علي كل حاجة…. ايوة متستغربش كنت حكيتله لاني ميرضنيش اكون عارف الحقيقة وساكت نفسي ترجع ماجد بتاع زمان نفسي تتغير جبت الجبروت دا منين… فرحت اوي لما سمعت ماجي وهي بتقولك انها هترجعهم لبعض تعرف لية هي قالت كدة علشان حست بانها السبب والمفروض تصلح غلطتها حست انها ممكن تكون بني ادمه كويسه نفسي تحس انت كمان بغلطك زيها… انا عارف ان ماجي بتحب زياد وهتتجنن عليه هو كمان من قبل مايتجوز فرح زي مانت قولتلي علشان خاطري يابني اعمل حاجه صح في حياتك وروح صلح اللي دمرته ارجوك اسمع مني صدقني هتحس بفرق شاسع وقلبك هيرتاح ومش عايزك تضعف بكرة تحب تاني وتتجوز اللي تحبك وتصونك اسمع كلام ابوك وريحني ممكن ندي تاخد منك موقف بس بعدين ترجعوا صحاب تاني زي زمان
كان ماجد يسمع حديث والده وهو يعلم انه مُحق في كل كلمة قالها لم يصدر اي رد فعل غير انه قام بإحتضان والده وهو يبكي….:تعرف يا بابا كان نفسي تديني فرصة اقولها فيها اني بحبها ومش مستعد اني اخسرها بابا انا اذيتها كتير اوي وهي متستهلش دا كله وفرقت بينهم انا وماجي عملت حاجات كتير علشان تبوظ علاقتهم وفعلاً باظت بس انا قلبي واجعني اوي يا بابا انا عمري ماحد هيحبني ولا هيثق فيا انا فاشل وصايع
محمود بحزن علي مايمر بيه ابنه….:اهدي يا بني متعملش في نفسك كده اسمع الكلام وروح اعمل اللي قولتلك عليه وربنا هيراضيك ويرزقك ببنت الحلال وبكرة تصدقني
ماجد وهو يمسح دموعه…..:حاضر يا بابا هعمل كده
محمود…:ربنا يهديك يابني انا رايح انام تصبح على خير ياحبيبي
ماجد….:وانت من اهله يا بابا
ثم غادر محمود بينما قال ماجد….:بابا عنده حق انا لازم اصلح غلطتي وارجع ندي لزياد
ثم التقط هاتفه وقام بالإتصال علي ماجي
ماجي ببرود…..:خير
ماجد….:عندك حق احنا لازم نرجعهم لبعض
ماجي بصدمه….:مين بيتكلم
ماجد….:قعدت مع نفسي وفكرت كتير وطلع معايا ان لازم نصلح اللي بوظناه
ماجي….:تمام بس قبل مانتفق عايزة اقولك ان زياد وندي مشيوا
ماجد بصدمة….:مشيوا…مشيوا راحوا فين
ماجي….:ندي رجعت لندن وزياد ساب القصر ومحدش عارف عنه حاجه
ماجد….:طب خليكي مركزة واعرفيلي زياد فين وانا هحاول اكلم ندي
ماجي….:تمام سلام
ماجد…:سلام
اغلق معها وقام بالإتصال علي شخصاً ما
••••••••••••••••••••••••••••
دلف مراد الي الڤيلا الخاصة بزياد وجده جالس يُدخن تقدم منه وجلس بجانبه ثم قال…..:مالك يا صاحبي
زياد…..:مخنوق اوي ومتضايق يا مراد
مراد….:صلي على النبي كدة واحكيلي
زياد…..:عليه افضل الصلاة والسلام انا وندي اتطلقنا
مراد بصدمة….:ايه ازاي وامتي دا حصل وازاي متقوليش اصلا
زياد….:محبتش اقلقك وخصوصاً انك لسة عريس
مراد…..:عريس ايه وزفت ايه انت اخويا يازياد يلا احكيلي اطلقتوا ازاي
ثم قص عليه زياد ماحدث وانها غادرت الي لندن ولم تعود الي هُنا مرةً اخري
زياد….:صدقني دا اللي حصل واقسم بالله يا مراد ملمستها
مراد…..:مصدقك يا صاحبي بس اللي مش قادر اصدقه ازاي عمو احمد يصدق انك ممكن تعمل حاجه زي دي
زياد….:حقه ومش هلومه لان اي حد مكانه كان عمل كده
مراد…..:طب وانت ناوي تعمل ايه
زياد….:مش عارف والله كل حاجه اسودت في وشي
مراد….:بس اللي مش قادر افهمه ازاي ماجي تعمل كده وايه مصلحتها في انك وندي تطلقوا
زياد….:مش عارف والله انا هتجنن
قاطع حديثهم صوت يصدح من هاتف مراد وجده إياد نظر لزياد وهتف بين شفتيه “إياد”حرك زياد أصبعه يحثه علي الرد وفتح مكبر الصوت”الإسبيكر”….
إياد…..:ازيك يا ابو نسب
مراد….:الحمدلله ياباشا انت عامل ايه
إياد….:الحمدلله بقولك ايه يا مراد متعرفش فين زياد اصلي عايزه ضروري
نظر زياد الي مراد نظرة بمعني”متقولش انك معايا” حرك مراد رأسه بإيجاب ثم قال…..:لا مش معايا في هو في حاجة
إياد وهو يعلم ان مراد يكذب….:اصل عمو احمد تعبان اوي وعمال يقول انه عايز زياد
التقطت زياد الهاتف من مراد ثم قال بقلق….:ايه اللي حصل يا إياد
ابتسم إياد لنجاح خطته ثم قال….:لما مشيت وقع وطلبنا الدكتور وقال ان السكر عالي عنده وهيفوق بعد شويه وهو فاق من شويه وعمال يندهلك بأسمك
زياد بإستعجال…..:نص ساعه وهكون عندك
اغلق معه وركض الي سيارته وخلفه مراد
•••••••••••••••••••
استيقظت ندي ثم دلفت الي الحمام وخرجت توجهت الي الدولاب لترتدي ملابسها وتحضير حقيبتها نعم فهي قررت ان تسافر مرةً اخري الي مصر فهي لم تريد ان يغضب منها إياد لم تشاء ان يحدث بينهما عداوه وإنهاء علاقة الاخوة انتهت من تحضير حقيبتها….
ثم قالت…..: مش عايزة اشوفك يا زياد بس هعمل ايه هروح علشان إياد
ثم التقطت هاتفها ونظارتها وغادرت الي المطار
•••••••••••••••••••••••••
دلف زياد ومراد الي القصر وهم يبحثون عن الجميع لم يجدوا احد قرروا الصعود الي اعلي…..
في الاعلي كان الجميع جالس في غرفة احمد سمعوا صوت اقدام علي السلالم علموا ان زياد قد جاء تسطح احمد علي السرير وهو يدعي المرض والجميع يكتم ضحكته علي منظره….
دلف زياد الي الغرفة وهو يلهث وجد احمد ينادي بأسمه تقدم منه ثم جلس بجانبه وامسك يده وطبع قبلة عليه ثم قال….:بابا انا جيت
احمد بتعب مصطنع…..:زياد حبيبي ا….
قاطعه زياد…..:متتكلمش يا بابا علشان متتعبش اكتر
احمد….:حاضر مش هتكلم بس مش عايزك تسيب البيت وتمشي علشان خاطري
زياد بتردد…:حاضر يا حبيبي
احمد….:اوعدني
زياد…..:وعد منى اني مش هسيبك ولا هسيب البيت ممكن متتكلمش تاني علشان متتعبش
احمد….:حاضر
وجد مراد الجميع يكتم ضحكته علم انهم يمزحوا مع زياد ليبقي معهم في القصر
زياد….:طب يلا يا جماعه نسيبه نستريح شويه
احمد…..:لا انا كويس وعايز انزل تحت علشان اقعد مش بحب اقعد هنا
زياد…..:بس انت تعبان ولازم تستريح
احمد….:اسمع الكلام وريحني عايز انزل
زياد….:ماشي يا بابا براحتك تعالي يا مراد اسنده معايا
قام كلاً من مراد وزياد بإسناده إلى اسفل ثم جلس الجميع ولكن اعتلت الصدمة وجههم عندما رأوا ندي قد دلفت الي الداخل ولكن غضبت عندما وجدت زياد ادعت ان الامر غير مهم ومرت من امانه واحتضنت الجميع ثم جلست……
نظر إياد للجميع بثقة ثم قال….:مبسوط انك جيتي يا ناندو
ندي….:قلب ناندو مقدرش اني مجيش انت اخويا وكل حاجه في حياتي ربنا يخليك ليا
إياد…..:ويخليكي ليا ياعمري
ندي…..:بس انتو مجهزتوش للحفلة والدعوات وكدة لية
إياد بإرتباك…..:ا ا اصل
ندي…..:في اي
إياد هو يركض…..:اصل انا كدبت عليكي ومفيش فرح غير بعد ٤شهور
ثم ركض وركضت خلفه ندي وهي تقول بصراخ…..:إياااااد والله ماهسيبك
ثم فقدت توازنها وفقدت الوعي شهق الجميع ثم ركضوا اليها حملها زياد وصعد بها الي اعلي وصعد الجميع خلفهم طلب محمد الطبيب وجاء ليفحصها انتهي ثم قال…..:المدام كويسة بس محتاجة تغذية وراحة علشان الجنين وانا كتبتلها شويه فيتامينات
انصدم الجميع من هذا الخبر ولكن سعدوا بشدة
زياد بفرح…..:يعني انا هكون أب
الطبيب بإستغراب…..:هو حضرتك مكنتش تعرف والا ايه
زياد…..:الصراحه لا
الطبيب….:عموماً هي حامل بقالها اسبوعين الف مبروك
زياد…..:الله يبارك فيك فتحية وصلي الدكتور
فتحيه…..:حاضر ياباشا
ثم غادر الطبيب بينما هنئ الجميع زياد وهبطوا الي اسفل وتركوا معها جلس بجانبها اشتاق لملامحها الطفولية لوجهها الملاكي وشفتيها الذي تشبه اللون الوردي بدون سابق انذار قبلها قبلة عنيفة واخري رقيقة وابتعد عندما وجدها تتململ في فراشها استيقظت ندي ورأته هو يقبلها قالت بصراخ….:انت بتعمل ايه ياحيوان هنا
زياد….:ندي اهدي ووطي صوتك
ندي…..:اخرس ياحقير يازبالة اوعي من وشي
ثم قامت من علي السرير وهبطت الي اسفل
نورا…..:ندي حببتي مالك ايه اللي حصل
ندي….:اسالي الاستاذ المحترم كان بيعمل ايه في اوضتي فوق
زياد……:ندددددي مسمعش صوتك
ندي….:ولا تسمع ولا اسمع انا غلطانه اصلا اني جيت ماشي يا إياد خليك فاكر انا مسافرة لندن ومش هرجع تاني
زياد…..:وهتسافري ازاي ومين هيسمحلك اصلا انك تسافري
ندي….: بابا وماما موافقين والدليل اني سافرت وجيت تاني يعني ملكش دعوه
زياد…..:واللهي وتخرجي من غير اذن جوزك
ندي بسخرية…..:هو الاستاذ عنده زهايمر والا ايه حضرتك ناسي انك طلقتني والا ايه
زياد…..:لا مش ناسي بس انتي فعلاً مراتي لاني رديتك
ندي….:انت كداب
زياد….:وهكدب لية تعالي معايا عند المأذون وانتي تعرفي
ندي…..:اه يا حقير يا زبالة مانا هقول ايه اصلك لو راجل مكنتش هتعمل كدة وتعيشني معاك غصب عنك
لم يسكت زياد علي الإهانة اكثر من ذلك ذهب اليها وجذبها من خصلات شعرها بعنف
زياد…..:انا استحملك كتير واستحملت طولة لسانك انما تهينيني بالشكل دا اقسم بالله اقتلك مش علشان انتي حامل مقدرش اعمل كده لا متنسيش نفسك
ندي بألم…..:ااااه سيبني شعري بيوجعني
نورا….:خلاص يابني سيبها مينفعش كده
احمد…..:زياااااد سيبها
ابتعد زياد عنها والتقطت ندي حقيبتها وجاءت لتغادر وجدت ماجي وماجد يدلفوا الي الداخل
ماجي….:استني يا ندي متمشيش جية الوقت اللي تعرفي في الحقيقة
ندي….:حقيقة ايه وايه اللي جايبك مع ماجد
ماجي….:مش هتكلم ولا هقول حاجه الا لما الكل يكون موجود
زياد….:ماحنا كلنا اهو قولي عايزة ايه
ماجي….:لا فاضل نغم وليان
إياد…..:مراد كلم نغم وانا هكلم ليان
قام مراد وإياد بالإتصال علي نغم وليان….بعد نص ساعة كان الجميع موجود….
ندي….:كله جية اهو اتفضلي اتكلمي وخلصي
ماجي….:انا عايزة اتأسفلكم كلكم انا ماجد علي اللي حصل ا
ندي…..:لحظة بس انتي تعرفي ماجد منين
ماجي…..:ماجد شريكي في اللعبة القذرة دي اني اخونك مع زياد والصور اللي ماجد بعتهالك دي متفبركة كلها يعني احنا السبب في كل اللي حصل بينك وبين زياد
ندي بصدمة…..:ماجد الكلام دا صح
ماجد…..:ايوة يا ندي ا…
قاطعته ندي بصفعة قوية شهق الجميع من اثرها ثم قالت……:انت يا ماجد يطلع منك دا كله دا انت كنت بالنسبالي اخويا عملتلك ايه علشان تعمل فيا كده لييية تخرب بيتي وتبعدني عن زياد لييية ليان دايما كانت بتقولي متثقيش فيه ومتقوليلهوش علي اسرارك او اي حاجه وانا كنت بتخانق معاها بسببك قولي عملتلك ايه لييييييه تعمل فيا كدة خليتني اسيب حبيبي و جوزي لييية استفدت ايه دلوقتي مطلقة هاا رد عليا عملت لية كدة
ماجد بصراخ…..:علشان بحبك….ايوة بحبك من زمان وانتي مش حاسة بيا طول عمرك بتقوليلي اخويا وانا بحاول امسك نفسي عمري ماحبيت غيرك كان نفسي تطلقي من زياد وتتجوزيني انا بس ندمت…ايوة ندمت ندمت اني خربتلكم حياتكم ندمت اني دخلت حياتك وعرفتك واتعلقت بيكي يا ندي ودلوقتي انا وماجي جايين نعتذر علي كل اللي حصل وسببناه ليكم ونوعدكم انكم مش هتشوفوا وشنا تاني بعد اذنكم
ثم غادر ماجد بينما قالت ماجي…:انا اسفة ليكم كلكم واوعدكم انكم مش هتشوفوا وشي تاني
جاءت ماجي لتغادر منعتها ندي عندما قالت…..:هتمشي تروحي فين
ماجي….:هرجعة امريكا تاني
ندي…..:ويهون عليكي اختك تولد ومتشوفيش ابنها او بنتها
ماجي بصدمة….:ايه
ندي….:مالك مستغربة لية مش انتي اختنا والا ايه يا نغم
نغم….:اكيد طبعا اختنا واحلي اخوات
ماجي…..:مش عارفه اقولكم ايه بجد
ندي….:من غير ماتقولي يا ماجي انتي عملتي الصح لما جيتي وحكيتلنا علي اللي عملتوه
ماجي….:انا فعلا ندمت اني عملت كده وقررت اني اعمل حاجه كويسة وهي اني اقولكم علي الحقيقة انا اسفة يا زياد
زياد….:احنا اخوات يا ماجي ومفيش بينا شكراً واسفة وكفايه انك جيتي وحكيتي الحقيقة ورجعتيلي مراتي وابني
ماجي….:الف مبروك يا ندي انتي وزياد
ندي وزياد…..:الله يبارك فيكي ربنا يسعدك ويفرحك يا ماجي
ماجي….:يارب
إياد…..:لسة زعلانة ياندي
ندي….:لا لانك رجعتلي جوزي
إياد….:اه يا ندلة
زياد….:بابا مش كفايه كدة اطلع ارتاح شويه
احمد بضحك….:انا كويس اهو مفيش حاجه
زياد…..:يعني كنت بتضحك عليا
احمد….:ايوة علشان ترجع القصر تاني وترجع لمراتك حقك عليا يا ابني اني مسمعتش كلامك وانت بتدافع عن نفسك
زياد….:متقولش كدا يا بابا انا مش زعلان بالعكس انا مبسوط اووي علشان رجعتلي مراتك وعيلتنا زي الاول
مراد….:طب انا ونغومة هنمشي ونسيبكم بقا تتصلحوا سلام
ثم غادوا كلاً من مراد ونغم الي القصر…
إياد….:كفايه اڤوره بقا ويلا عايز انام تصبحوا على خير
الجميع….: وانت من اهله
ثم جلسوا يتناولوا الطعام وصعد كلاً منهما الي غرفته
•••••••••••••••••••••••••
دلف كلاً من ندي وزياد الي الغرفة شهقت ندي عندما وجدت زياد يحملها ويتجهه بها الي السرير
ندي….:زياد نزلني انت بتعمل ايه
زياد….:هاخد حقي
ندي…..:زياد لاا اسمع بس
“واسكت يا شهر زات عن الكلام الغير مباح”
••••••••••••••••••••••••••••
بعد مرور ٤شهور تزوج إياد من ليان وانجبوا سيف وريناد
انجب كلاًمن زياد وندي زين
انجبوا كلاً من مراد ونغم سلمي ومصطفى
وعاشوا الجميع في سعادة

“تمت بحمدالله”♥

*********************
إلي هنا تنتهي رواية جحيم ابن عمى بقلم ماهى عاطف
تابع من هنا: جميع فصول رواية جحيم ابن عمى بقلم ماهى عاطف
تابع من هنا: جميع فصول رواية رواية احفاد الجارحي بقلم آية محمد

تابعوا صفحتنا على الفيس بوك للمزيد من روايات حزينة
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية احببتها في انتقامي بقلم عليا حمدى
يمكنك تحميل تطبيق قصص وروايات عربية من متجر جوجل بلاي للإستمتاع بكل قصصنا

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق