غير مصنف

رواية جحيم ابن عمى – ماهى عاطف – الفصل التاسع

مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة ماهى عاطف علي موقعنا قصص 26 وموعدنا اليوم مع الفصل التاسع من رواية جحيم ابن عمى بقلم ماهى عاطف

رواية جحيم ابن عمى بقلم ماهى عاطف – الفصل التاسع

إقرأ أيضا: روايات عالمية

رواية جحيم ابن عمى - ماهى عاطف
رواية جحيم ابن عمى – ماهى عاطف

رواية جحيم ابن عمى بقلم ماهى عاطف – الفصل التاسع

 تابع من هنا: روايات رومانسية جريئة

دلف زياد الى غرفته وهو يبتسم بخبث على هذة الحمقاء ندى بداخله غاضب منها لتطاولها عليه بالحديث اقسم انه سوف يقوم بتربيتها من جديد بعد ان تكون زوجته لم يصدق الى الأن انها ستصبح زوجته غداً ارتمى بجسده على السرير وقال……: اد ايه الدنيا دى صغيرة ياندي كنت عايز نتجوز برضاكى وتكونى بتحبينى زى مابحبك بس دلوقتي انا كمان مجبور زيك بابا عنده السكر ولو كنت رفضت تماماً كان ممكن يتعب ويحصله حاجه واكون انا السبب انا مش عارف بكرة هيحصل ايه وهنعيش مع بعض ازاى يارب خليك معايا…..
ثم تطلع الى الصورة المعلقه على الحائط…..: انتى وحشتينى اوى البيت وِحش من غيرك نفسي ترجعيلى تانى ربنا يرحمك يا حببتي.. حتى وانتى ميتة عايزة ترجعينا لبعض… بس انا عايز اعرف مين اللى قالك انى كنت بحب ندى زمان قبل مااتجوزك هتجنن واعرف
ثم ارتمى بجسده على السرير مرةً اخرى ظل يفكر ويفكر ثم غطى فى نوم عميق
____________________
دلفت ندى الى غرفتها وهى غاضبة بشدة من حديث هذا الابله زياد كورت يدها وابيضت مفاصلها حزنت بشدة لموافقة والدها بدون تردد على الزواج ولم تعلم كيف ستعيش معه بداخلها سعيدة لتصبح زوجته نعم كانت تحبه زمان وبشدة ولكن هناك ظروف حدثت قررت كسر قلبه والبعد عنه وتجاهله تماماً زفرت بضيق من كثرة التفكير جلست على السرير وحدثت نفسها قائلة…..:حبيتك اوى يا زياد بس انت مكنتش تستاهل حبى ليك كرهتك ولحد دلوقتي بكرهك ومش مصدقة انك هتكون من اول بكرة جوزى ربنا يسامحك يابابا انت السبب المفروض تدينى فرصة انى اختار بس هوعدك يا زياد ااشهرين دول هيكون اسود ايام فى حياتك
ثم دلفت الى الحمام لتنعش بحمام لعلها ترتاح قليلاً من كثرة التفكير
__________________
فى غرفة محمد ونورا دلفت وجدته جالس شارداً يفكر فى شئ قاطع تفكيره اقتحام نورا الغرفة بهذه الطريقه
نورا بحدة…..:بذمتك انت راضي عن الجواز دا اكيد لا بس نقول ايه بقا… حرام عليك الجواز مفيهوش إجبار الجواز المفروض يكون برضا الطرفين وبعدين تعالى هنا كتب كتاب وفرح مين دا اللى بكرة انت شكلك مش واعى للى هتعمله دا يا محمد وهنخسر ندى بسبب تصرفاتك دى
محمد بعصبيه…..:انتى ناسية يا هانم ان ندى بنتى زيك بالظبط يعنى انا عارف فين مصلحتها ومصلحتها من زياد ابن عمها…. ولأخر مرة بقولك يا نورا ندى بتكون بنتى وانا اللى عارف مصلحتها فين وبكرة فرحها والمفروض تكونى مبسوطه علشان ندى متزعلش وانا كمان مزعلش فاااهمة
نورا….:ماشي يا محمد بس لو بنتى حصلها حاجه هتندموا كلو
محمد بحدة….:انتى بتهددينى
نورا….:لا مش بهددك انا بحذرك بس
ثم دلفت الى الحمام بينما محمد زفر بضيق وغطى فى نوم عميق
_____________
تشرق الشمس معلنة عن بداية يوم جديد فى قصر العراقى تحديداً غرفة زياد استيقظ ثم دلف الى الحمام ليتحمم وخرج قام بالإتصال على مراد رفيق عمره ليقف بجابنه
زياد…..:الو يا مراد
مراد…..:الو يا زياد بتتصل بيا بدرى كدة لية
زياد….:مفيش بس عايزك تيجى القصر كمان ساعة
مراد….:لية فى حاجه
زياد…..:مفيش بس النهارده فرحى
مراد….:اه طيب ماشى…..ثم استوعب:ايه فرحك دا ازاى يعنى
زياد…..:يخربيت صوتك ايوة فرحى النهارده
مراد……:انت اكيد بتهزر
زياد بملل….:مراد اخلص وتعالى علشان مش فايقلك سلام
اغلق زياد الهاتف ولم ينتظر إجابة مراد
بينما مراد……:دا اكيد مجنون فرحه النهارده طب ازاى دا…احسن حاجه اقوم البس واروح افهم منه
ثم دلف الى الحمام ليتحمم وخرج ارتدى ملابسه وذهب الى قصر العراقى
_______________
دلفوا كلاً من نورا وسهام ونغم الى غرفة ندى لإقاظها
نغم بصراخ…..:ناااااااندو
ندى بفزع…..:ايه فى ايه
ضحكوا بشدة عليها حتى ادمعت عين نغم
ندى…..:بس اللى بيضحك
نورا….:يبقى فى عروسة فرحها النهارده وتكون نايمة لحد دلوقتي
ندى…..:ماما بليز سبينى عايزة انام
نورا بإصرار…..:لا ويلا قومى علشان تجهزى….وكمان ياستى الميكب ارتست قربت توصل
نغم…..:ماتخلصي بقا رخمة طول عمرك
ندى…..:طب اهدى علشان الرخمة دى ماتقومش تقتلك…..هدخل اخد شاور واجى
ثم دلفت الى الحمام لتتحمم بينما سهام ونورا ونغم جلسوا ينتظروها
_______________
عند ماجد كان جالساً بقصره ينتظر اتصال من ندى وليان ثم غطى فى نوم عميق وهو ينتظرهم على السرير…. استيقظ ثم دلف الى الحمام ليتحمم وخرج ارتدى بنطلون قطنى وتيشرت اسود والتقط هاتفه وقام بالإتصال على ندى
ماجد…..:الو يا جزمة متصلتيش بيا لية امبارح علشان نخرج
نغم بخجل وهى تحاول كتم ضحتها….:احم انا نغم
ماجد بإحراج….:انا اسف جدا افتكرتك ندى
نغم….:لا ولايهمك
ماجد….:هى ندى فين
نغم…..:ندى بتجهز اصل النهارده فرحها هى وزياد
وقع الخبر على ماجد كالصاعقة لم يصدق ما سمعه للتو هل ستتزوج من غيره هل سيتملكها غيره لم يصدق جلس على السرير وقال بكسرة وصراخ……:مش هسمح لحد يخدك منى انتى ملكى انا بتاعتى انا لوحدى مش حد تانى مش هسيبك ياندى وهندمك يا زياد علشان خدت حاجة بتاعتى
ثم جلس وضع وجهه بين يده وظل يبكى على حب عمره
” أصعب إحساس فى الحياة انك تكون بتحب شخص جدا وفجأه يمتلكه شخص آخر💔”
____________________
دلف مراد الى القصر وجد نغم تنزل من اعلى ذهب اليها وقال…..: صباح الخير يا نغم
نغم بخجل….: صباح النور
مراد…..: هو زياد اتجوز فجأة كدة ليه
نغم….: مش عارفه فجأة لقينا امبارح بيقول عايز يتجوز ويكتب الكتاب النهارده
مراد….: هو فين عمو احمد وعمو محمد
نغم….: فى المكتب بيعزموا
مراد…..: عقبالك… يووووه اقصد عقبالنا
توردت وجنتيها بشدة
وقالت بخجل وإرتباك….: ا انا لازم امشي بعد اذنك
لم تنتظر إجابته بل ركضت الى اعلى وهى تبتسم
دلفت الى غرفة ندى واستندت على الباب وظلت تتنفس بسرعة
نورا….: مالك يا نغم انتى كويسه
نغم بتوتر…..: ا اه انا كويسه
ندى بخبث….: لا احنا لينا قاعدة مع بعض لوحدينا
نغم….: ماشي ياختى ركزى بس فى اللى انتى فيه
ظلوا مع ندى الى ان انتهت من ارتداء فستان الزفاف ومساحيق التجميل وكل شيء خاص بها
كانت تشبه الحورية بجمالها الفاتن والاخذ كانت كالملاك جميلة جدا بعيونها الرمادية وشعرها الاسود يصل لأعلى خصرها وقفت امامهم وقالت……: شكلى حلو
نورا…..: بسم الله ماشاء الله ربنا يحفظك يا حببتي قمر
نغم….: ايوة بقا دا زياد محظوظ علشان خد مننا القمر دا
سهام…..: بسم الله ماشاء الله قمر يا حببتي
سمعوا صوت طرقات الباب اذنت له بالدخول وكانت ليان احتضنتها بشدة وقالت بغيظ….:كدة با ندى ماتقوليليش دا انا حتى صحبتك
ندى…..:انتى عرفتى منين
ليان…..:ماجد اتصل بيا وقالى
ندى…….:هو عرف منين
نغم…..:اصله اتصل بيا وانت كنتى بتاخدى شاور
ندى….:متزعليش يا ليان والله كل حاجه جت بسرعة
ليان…..:هسمحك علشان فرحانة ربنا يسعدك يا حببتي
احتضنتها مرة اخرى ودلف محمد اليها و قبلة على جبينتها وقال…..:عايزك تعرفى انى الوحيد اللى عارف مصلحتك وعمرى مااختارلك حاجه وحشه ربنايسعدك يا حببتي
ثم وضع يدها بيده وغادروا الى اسفل
اتصدم زياد بجمالها الأخذ وغضب بشدة لينظر حوله وجد الجميع يتهامسون عليها وينظرون اليها بإعجاب واضح والصحافة يلتقطوا لها الكثير من الصور.. ذهب الى محمد لأخذها منه…اخذها منه وذهب ليجلسوا على الأريكة “الكوشة”
وجاءت رقصة سلو
زياد…..:يلا نرقص
ندى ببرود….:مليش مزاج
زياد…..:هو ايه اللى ملكيش مزاج هو انا بعزمك على عصير….يلا علشان الناس بيبصوا علينا
ندى….:اووووف يلا
امسك يدها وذهبوا ليرقصوا وضع يده على خصرها وضعت ندى يدها حول عنقه وتمايلوا مع الاغنيه بإحترافية….. انهوا الرقصة وذهبوا ليجلسوا مرة اخرى
“بعد فترة”
ندى…..:انا تعبت عايزة اطلع انام
زياد بسخريه…..:حاضر ياختى
اشار لمراد ليأتى
مراد…..:نعم ياعريس
زياد…..:عايزك تنهى الليلة دى تعبت
مراد…..:اوك
ذهب مراد وقام بإنهاء الحفل وجاء زياد وندى ليصعدوا قام محمد ينادى باسم زياد
التفت اليه وقال……:نعم يا عمى
محمد……:اطلعى انتى يا ندى وانت يا زياد تعالى معايا علشان عايزك
صعدت ندى بينما دلف زياد مع محمد الى المكتب
محمد…..:بص يابنى انا عارف انك مجبور على جوازك من ندى بس اللى عايزه منك انك تخلى بالك منها هى عنيده وعصبية بس قلبها ابيض ولو مش عايزها معاك انت ممكن تطلقها بعد ٣شهور وانا……
قاطعه زياد……:حضرتك ايه اللى بتقوله دا ندى دى تبقى بنت عمي وهى دلوقتي بقيت مراتى وملزومة منى وانشالله هاخد بالى منها وبالنسبه لموضوع الطلاق انا وندى اللى نحدد اذا كان عايزين نكمل والا لا بعداذنك
غادر زياد بينما قال محمد…..:ربنايسعدكم يا ولاد ___________________
دلفت ندى الى الغرفة كانت متوترة وخائفة بشدة
فهى لا تصدق الى الأن انها اصبحت زوجت زياد
العراقى دلفت الى الحمام لتنعش بحمام لعلها
ترتاح قليلاً من توترها الزائد
دلف زياد الى غرفته لم يصدق الى الأن انها
اصبحت ملكه لوحده لا احد يجرؤ على النظر اليها
جلس على السرير ينتظر خروجها……
ارتدت بنطلون برمودا وتيشيرت اسود وعملت
شعرها على هيئة كعكة خرجت وجدته ينتظرها
لم تعايره اي اهتمام توقفت عندما وجدته ينادى
بأسمها
زياد…..: ندى
ندى ببرود….: خير
زياد……: اقعدى عايز اتكلم معاكي شويه
ندى…..: قعدت ممكن تتكلم بقا بسرعة علشان عايزة انام
زياد…..: دلوقتي احنا متجوزين قدام الكل بس بينى بينك…..
قاطعته ندى…..: ايوة احنا متجوزين قدام الكل
بس انسي انى اعتبرك جوزى فاهم وجوازنا
هيفضل صورى وكلها شهرين ونتطلق
زياد بإستفزاز….: هو انا مقولتلكيش اصل انا
رجعت عن كلامى ومش هطلق يا حبيبتي
ندى بعصبيه…..: هو لعب عيال والا ايه
زياد…..: سميها زى ماتسميها بس مفيش طلاق
فاهمة ياريت مسمعش كلمة طلاق دى تانى
ودلوقتي عدينى علشان اخد شاور علشان تعبان
ندى…..: مستفز وبارد ورخم اوووف
زياد……: تؤتؤ احترمى نفسك معايا ولسانك يتلم
ثم دلف الى الحمام بينما ندى ظلت تفكر فى
طريقة لإنهاء هذا الزواج ثم غطت فى نوم عميق

*********************
إلي هنا ينتهي الفصل التاسع من رواية جحيم ابن عمى بقلم ماهى عاطف
تابع من هنا: جميع فصول رواية جحيم ابن عمى بقلم ماهى عاطف
تابع من هنا: جميع فصول رواية رواية احفاد الجارحي بقلم آية محمد

تابعوا صفحتنا على الفيس بوك للمزيد من روايات حزينة
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية احببتها في انتقامي بقلم عليا حمدى
يمكنك تحميل تطبيق قصص وروايات عربية من متجر جوجل بلاي للإستمتاع بكل قصصنا

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق