غير مصنف

رواية متمردة عشقت كبريائه – دودو محمد – الفصل الرابع والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الرابع والعشرون من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد – الفصل الرابع والعشرون

اقرأ أيضا: قصص رومانسية

رواية متمردة عشقت كبريائه - دودو محمد
رواية متمردة عشقت كبريائه – دودو محمد

رواية متمردة عشقت كبريائه بقلم دودو محمد – الفصل الرابع والعشرون

فى بيت اسر

صحيت مها من نومها قامت دخلت حمامها واخدت شاور واتوضت وخرجت لبست هدومها وادت فرضها ولسه هتخرج من الاوضه تليفونها رن بتبص لاقته اسر
مها :- السلام عليكم
اسر :- وعليكم السلام صباح العسل والهنا واحشتينى
مها :- صباح النور وانت واحشتينى اوووووى
اسر :- امته بقى نبقى فى بيت واحد وسعتها مش هبعدك عن حضنى ابدآ
مها :- وايه اللى منعك
اسر :- مفيش حاجه منعانى انا بحاول اقنع ماما وبابا يجو معايه يتقدموه ليكى
مها :- وطبعآ رافضين صح
اسر :- ما انتى عارفه المشاكل اللى مابينكم وبينهم بسبب جواز فهد لمليكه
مها :- طب وايه الحل ان شاءالله
اسر :- هحاول معاهم تانى ولو فضلو مش موافقين هاجى اقعد انا مع مرات عمى واطلبك منها
مها :- بجد يا اسر
اسر :- طبعآ يا قلبى يا مها انا مش بحبك انا بعشقك وبحلم كل يوم باليوم اللى هتجوزك فيه وتبقى بتاعتى انا وفى حضنى وبدعى ربنا كل يوم يقرب اليوم ده
مها :- بحبك يا اسر بحبك اوووووووى
اسر :- وانا بموت فيكى ربنا يخليكى ليا وميحرمنيش منك
مها :- مش جاى انهارده
اسر :- مش عارف ايه ظروف الشغل معايه
مها :- لالالا علشان خاطرى حاول تيجى انت واحشنى اوى يا اسر وعايزه اشوفك
اسر :- وانا هتجن عليكى حاضر يا ستى هحاول اخلص الشغل بدرى واجى
مها :- هستناك باى
اسر :- باى يا روحى
وقفلت مها مع اسر وبصت للتليفون وابتسمت وحضنته جامد وقالت
مها :- بحبك اوى يا اسر
وحطت التليفون على الكومدينو وقامت خرجت من الاوضه
مها :- صباح الخير
فايزه ومى :- صباح النور
مى :- صباح الضحكه الصافيه وغمزت ليها
مها :- فى ايه مالك بتغمزى ليا ليه
مى :- ايوه يا عم ناس تفتح عنيها على الحب والرومانسيه وناس تفتح عنيها على فايزه والطعميه
مها :- هههههههههههه الله اكبر ربنا يستر علينا من عنيكى
مى :- هحسدكم على ايه ده زرافه
فايزه :- يا بت لمى نفسك
مى :- سبحان الله يا حاجه مفيش كلمه اقولها الا لما تبهدلينى عليها تقوليش يا اختى ان انا بنت جوزك مش بنتك
فايزه :- ما هو انتى لو تتكلمى كلام عدل مش هقولك حاجه لكن انتى تملى مسحوبه من لسانك فى حته زياده
مها :- هههههههههه لا مش حته زياده ده لسانها كله زياده الواحد نفسه يقطعوه ليها الصراحه
مى :- امته بقى يجى فارس
مها :- فارس مين
مى :- الفارس الابيض ابو حصان ابيض او فوشيه عادى مش هتفرق معايه وياخدنى على ضهره ويطير بيا لا استنو يطير ايه الهبل ده هو الحصان بيطير
مها :- هههههههههه والله مجنونه ودماغك لاسع على رأى اسر
مى :- يا سلااااااام انا دماغى لاسع وهو ايه يعنى العقل الرازين ده دماغه السع منى
مها :- كلى يا اختى وخليكى مع الفارس ابو حصان فوشيه ده
مى :- وانتى خليكى مع الزرافه بتاعك
والكل اكل ونزلو راحو الجامعه بتاعتهم
……………………………………………………
فى فيلا فريد المنشاوى
وصلو كلهم بعربيتهم
ونزلو دخلو الفيلا
فريد :- نورتو الفيلا من تانى وبص لمليكه وقال نورتى يا حبيبتى الفيلا انتى اول مره تدخلى فيها
مليكه :- ده بنورك يا بابا
مروه وسهير :- مكنش عجبهم الكلام
سهير :- هوف لما اطلع اوضى الواحد مش ناقص خنقه
مروه :- عندك حق والله يا طنط
ناديه :- اللهى تعبان يلف على رقبتكم يخنوقكم ونرتاح منكم
سهير :- يا مهون الفيلا هتبقى لا تطاق بوجود العقارب فيها
ناديه :- لمى نفسك يا وليه لاديكى علقه من بتوع زمان ومفياش عقارب فى الفيلا غير انتى والعقربه التانيه وشاورت على مروه
مروه :- عجبك كده يا طنط
سهير :- معلش يا حبيبتى وليه كبيره وخرفت تعالى معايه فوق
ناديه :- ماشى يا بنت المبقعه هوريكى الوليه اللى خرفت هتعمل فيكى ايه
فهد :- خلاص يا نانا طلعت اوضتها
ناديه :- امك دى عقربه ولازم نكسر سمها بدل ما تأذى حد فيكم وبالذات انضمت ليها عقربه تانيه
فارس :- انا مش عارف يا نانا انتى حطه مروه فى دماغك ليه
ناديه :- اوعى يا ولا لتكون بتزعل على مراتك
فارس :- مش القصد والله يا نانا انا عمرى ما اقدر ازعل منك بس مش عارف ايه سبب العداوه ما بنكم مع ان انتو عمركم ما شفتو بعض قبل كده
ناديه :- بصت لفهد وبعدين بصت لفارس ا.ا اصل فى ناس كده اول ما تشوفهم مش بترتاح ليهم ومراتك منهم الصراحه
وفى الوقت ده جه عدى وطلع يجرى على فهد وقال
عدى :- عمو فهد عمو فهد واحشتينى اووووووى ليه غبت كتير كده انا زعلان منك
فهد :- حضن عدى وحس بنفس الاحساس اللى بيجى ليه بس المرادى عرف ايه هو الاحساس ده ده احساس الابويه عنده وقال مقدرش على زعل حبيب قلبى بس والله كان غصب عنى
انت مش شايف عمو دراعه عامل ازاى
عدى :- خلاص يا عمو مش زعلان منك اصل انا بحبك اوى
مليكه :- ايه ده بقى هو مفيش حضن ليا انا كمان ولا ايه
عدى :- عيب يا طنط ده حضن رجاله لبعضيها
مليكه :- مليش دعوه انا عايزه حضن زى ده.
فهد :- يلا يا بطل اديها حضن زى بتاع عمو فهد كده
عدى :- مش هتزعل علشان هحضن مراتك
فهد :- ههههههه يلا يا لمض
عدى :- راح لمليكه حضنها جامد
مليكه :- الله على ده حضن جميل اوى واحشتينى اوى اوى اوى
عدى :- وانتى كمان يا طنط واحشتينى
فريد :- طب وجدو فريد مش واحشك خالص
عدى :- راح وحضن فريد وقال لا طبعآ يا جدو واحشتينى اوى
فارس :- طبعآ انا اروح امشى صح
الكل :- هههههههههههههه
عدى :- لا يا بابا ده انت الخير والبركه وحضنه وقال ده انت اللى فى الحته الشمال
فارس :- يا بكاش
ناديه :- الولد ده خطف قلوبنا كلنا وحضنته وباسته
فريد :- عندك حق يا ماما انا لما يغيب عنى شويه بحس ان فى حاجه نقصانى
ناديه :- والله خساره فى امه
فارس :- اطلع يا عدى اوضك
عدى :- حاضر يا بابا وطلع اوضه
فارس :- بلاش الكلام ده قدام الولد يا نانا
ناديه :- واللع انا صعبان على الولد ان تكون امه واحده زى اللى اسمها مروه
فارس :- يووووه بقى يا نانا مش هتبطلى الكلام ده احسن حاجه اطلع اوضى وسبها وطلع اوضه
ناديه :- انا مش عارفه ايه هيحصله بعد ما يعرف حقيقة البت دى
فهد :- ده اللى شايل همه يا نانا فارس شكله بيحبها وخايف عليه من الصدمه
فريد :- ان شاءالله احنا كلنا جمبه ومش هنسيبه لحظه
مليكه :- ربنا معاه فارس طيب وبجد صعبان عليا
ناديه :- لما يتوجع شويه وينساها احسن ما يعيش عمره كله مخدوع فيها والضربه اللى متموتش تقويه وهو ان شاءالله لما يفوق هيرجع تانى اقوى من الاول
فهد :- يارب يا نانا
فريد :- خد مراتك واطلع على اوضك الخدامه جهزتها ليها
فهد :- حاضر يا بابا وبص لمليكه وقال يلا بينا
مليكه :- اتوترت وقالت ي.ي.يلا
وطلع فهد ووراه مليكه ودخلو اوضت فهد
فهد :- ادخلى يا مليكه
مليكه :- دخلت وهى خايفه
فهد :- قفل باب الاوضه وقال اوضى نورت بوجودك فيها تعرفى انا عمرى ما دخلت حد هنا غير الشغاله تنطفها وبس انتى اول واحده تدخليها وبجد انا مبسوط من وجودك معايه فيها
مليكه :- بتوتر ش.ش.شكرآ
فهد :- مالك يا مليكه انتى خايفه منى
مليكه :- ل.ل.لا بس يعنى
فهد :- قرب منها وبص فى عنيها وقطعها فى الكلام وقال متخفيش منى يا مليكه انا بحبك ومستحيل اذيكى ومش هاخد منك حاجه غصب عنك كله هيبقى برضاكى وقت ما تكونى مستعده انا عايزك توثقى فيا اكتر من كده
مليكه :- بصت فى عين فهد وحست بصدق كلامه واول مره تحس ان هى عايزه تحضن فهد قربت منه واتشعلقت فى رقبت فهد وحضنته جامد وقالت انا بحبك اوى يا فهد وبحمد ربنا ان بعتلى واحد زيك
فهد :- اتفاجئ بحركة مليكه بس فرح اوى من قربها ليه من غير ما تخاف منه ضمها اكتر ليه وبسها دماغها وقال ربنا يخليكى ليا وانا بعشقك يا قلبى
مليكه :- بعدت عنه وقالت فهد كنت عايزه اسألك سؤال
فهد :- تعالى نقعد الاول وبعد كده اسألى
مليكه :- قعدت على السرير جمب فهد وقالت هو ايه هيبقى مسير عدى يعنى هيبقى معاك ولا مع فارس ولا مع امه
فهد :- بزعل مش عارف يا مليكه بس اكيد مش هيكون مع الشيطانه دى
مليكه :- طبطبت على ضهر فهد وقالت هتتحل ان شاءالله بس انت سبها على ربنا
فهد :- انا كل خوفى على فارس فارس ده مش مجرد اخويه ده بالنسبه ليا ابنى اللى ربيته طول عمرى بحرم نفسى من اى حاجه علشانه هو ما يتعبش ويتحمل مسؤاليه من صغره وبخاف عليه من اى حاجه مش متخيل ان اخويه هيتأذه بسببى وبسبب الماضى بتاعى
مليكه :- ربنا ان شاءالله فرجه قريب وهيحلها من عنده المهم قوم غير هدومك دلوقتى وانا هدخل الحمام
فهد :- طب اغير ازاى وانا دراعى كده
مليكه :- ها يعنى عايز ايه
فهد :- غيرى ليا هدومى
مليكه :- بلعت ريقها بصعوبه واتوترت وقالت م.م.مش هقدر
فهد :- ليه ده انا جوزك مش واحد غريب
مليكه :- فهد ا.ا.انت بتوترنى ب.ب.بكلامك د.د.ده
فهد :- شدها وقعدها على رجله وقال يا ملوكه ده كلام بس يعنى ابقى محروم من الكلام والفعل
مليكه :- اتكسفت من قعدتها على رجل فهد ولسه هتقوم
فهد :- مسكها وبص فى عنيها وقال رايحه فين
مليكه :- ه.ه.هدخل الحمام
فهد :- خليكى معايه شويه وبص على شفايفها ولسه هيبوسها
مليكه :- وقفت وقالت ف.ف.فهد م.م.مش هينفع
فهد :- غمض عنيه علشان يهدى شويه وقال انا عارف ان انا وعدك بس انا مش قصدى حاجه دى بوسه عادى بصبر نفسى بيها
مليكه :- حست بزعل فهد قعدت جمبه على السرير وقالت متزعلش منى بس الوضع الجديد اللى انا فيه ده موترنى شويه
فهد :- عايزك تثقى فيا اكتر من كده يا مليكه
مليكه :- انا بثق فيك على فكره ومش من دلوقتى من ساعة ما اتجوزنا وانا عارفه ومتأكده انك عمرك ما هتأذينى حتى لما كنت بتهددنى انك هتاخد حق بالعافيه منى كنت متأكده ان ده مجرد تهديد مش اكتر بدليل ان انا كنت بنام ومش بقفل الباب بالمفتاح لان كنت بحس بالامان وانا معاك وعارفه انك هتحمينى حتى من نفسك
فهد :- فرح اوى بالكلام بتاع مليكه حضنها وقال مش قادر اوصف ليكى كمية المشاعر اللى حاسس بيها ليكى
بجد احساس فوق الخيال مستحيل يتوصف
مليكه :- ضمته اكتر لحضنها وقالت ربنا يخليك ليا وميحرمنيش منك
فهد :- بص فى عنيها وغمزلها وقال طب ايه مش ناويه تغيرى ليا هدومى برضه
مليكه :- تانى يا فهد
فهد :- طب بلاش البنطلون قلعينى التيشرت علشان مش هعرف اطلعه من كم التيشرت
مليكه :- ح.ح.حاضر وراحت عند الدولاب وطلعت ليه تيشرت وبنطلون وحطتهم على السرير وقفت قصاد فهد اللى كان قاعد على السرير ومدت ايديها ترفع ليه التيشرت وكانت متوتره وايديها بتترعش من كتر التوتر
فهد :- حس بتوتر مليكه قال فى ايه يا بنتى كل التوتر ده علشان هتقلعينى التيشرت اما لو كان البنطلون كنتى عملتى ايه كان اغمى عليكى
مليكه :- ف.ف.فهد لم نفسك وبلاش قلة ادب وكويس اوى ان انا بقلعك التيشرت
فهد :- ههههههههه حاضر اعملى العمليه الانتحاريه
مليكه :- رفعت ليه التيشرت ووشها احمر جدآ من الكسوف وايديها لمست جسم فهد وهى بتقلعه التيشرت
فهد :- لمست ايد مليكه لجسمه هز كل كيانه وبلع ريقه وحاول يمسك نفسه عن مليكه بس تلقائيآ مسك ايد مليكه وشدها على السرير وبص فى عنيها وقال انتى عملتى فيا ايه كل حاجه فيكى بتشدنى ولمستك ليا بتهز كيانى وقرب على شفايفها وبسها
مليكه :- كانت هتمنعه بس اتجوبت اكتر معاه فى البوسه وحطت ايديها على صدر فهد العريان وقربت ليه اكتر
فهد :- حس بتجواب مليكه معاه بس افتكر كلامه ليها لما وعدها ان مش هيقرب ليها غير لما هى اللى تطلب كده بعد عنها وقعد على السرير وغمض عنيه وقال قومى يا مليكه شوفى كنتى رايحه فين
مليكه :- اتفاجئت ببعد فهد عنها ولامت نفسها على تجاوبها مع فهد فى البوسه وقامت من على السرير ودخلت تجرى على الحمام
فهد :- غمض عنيه واخد نفس عميق وطلعه وقال كنت هتهور وكانت مليكه هتفقد الثقه فيا وقام مسك التيشرت ولابسه وغير بقيت هدومه واستنى خروج مليكه من الحمام
……………………………………………………
فى اوضت فارس
كانت مروه طالعه من الحمام بالبورنص
فارس :- راح حضنها من ضهرها وقال واحشتينى اوى
مروه :- بعدت عنه وقالت بقولك ايه يا فارس انا تعبانه وقرفانه ومش فايقه ليك
فارس :- تعالى بس انا هنسيكى اى تعب
مروه :- زقته وقالت قولتلك لا متزهقنيش بقى
فارس :- مالك يا مروه متغيره معايه ليه
مروه :- مفيش تعبانه شويه فيها حاجه دى وراحت وقفت قصاد المرايا
فارس :- راح وحضنها وقال طب تعالى نامى فى حضنى بلاش الحاجه دى بس واحشنى اوى نومتك فى حضنى
مروه :- يوووووه بقى انا زهقت انا هسيب ليك الاوضه خالص وهروح اوضت عدى وخرجت من الاوضه وراحت لاوضت عدى
فارس :- اتعصب وحدف كل اللى كان على المرايا فى الارض
……………………………………………………
فى شقة اسر
كانت مى ومها قعدين بيتفرجو على التليفزيون
وجرس الباب رن قامت مى تفتح الباب
مى :- هو انت جاى ليه
مازن :- واحشتنى يا جميل وجاى اسأل عليك
مى :- وحش لما يلهفك
مازن :- سكر سكر
مى :- وانت شاى شاى
مها :- اسر ده يا مى
مى :- لا ده المحروس اللى اسمه مازن
مازن :- طبعآ محروس من العين
مى :- يا سكر
فايزه :- طلعت ليه وقالت ادخل يا ابنى واقف ليه
مازن :- والله بنت حضرتك ما قالتش ليا ادخل
فايزه :- معلش يا ابنى تعال اتفضل
ودخل مازن ومى بصت ليه بغيظ ونفخت وقفلت الباب جامد
مازن :- ما براحه فى حد يقفل الباب كده
مى :- مش انا قفلته كده
مازن :- ايوه
مى :- يبقى فيه حد بيقفل كده
مازن :- يخربيت لمضك
مى :- يخربيت غلاستك
فايزه :- اتفضل يا ابنى اقعد
مازن :- قعد وقال شكرآ يا طنط
فايزه :- تشرب ايه
مازن :- لا شكرآ يا طنط
مى :- وهى بتكتم ضحكتها اعملك قهوه زى بتاعة المره الفاتت
مازن :- لالالا شكرآ ده انا قعد اسبوع بحاله بدهن الحرق ومش عايز يخف
مى :- ههههههههههههههههههههه
مازن :- سرح فى ضحكة مى
مى :- اخدت بالها من بصت مازن ليها اتوترت وقالت احم ا.ا.انا قعده قدام التلفزيون لو عايزه حاجه وراحت عند التلفزيون مع بصت مازن ليها
فايزه :- خير يا ابنى
مازن :- ها
فايزه :- بقولك خير
مازن :- انا كنت جاى اسأل على مليكه علشان مش قادر اوصلها
فايزه :- الحمدالله كويسه كان جوزها عامل حادثه وكانت قعده معاه فى المستشفى
مازن :- بأستغراب جوزها هى متجوزه
فايزه :- ايوه يا ابنى متجوزه مش بقالها شهر للرجل الاعمال المشهور فهد المنشاوى
مازن :- بصدمه فهد المنشاوى صاحب شركات فريد المنشاوى
فايزه :- ايوه هو
مازن :- بس اللى انا اعرفه ان الراجل ده متكبر ومغرور وقاسى ازاى مليكه هتقدر تتعامل معاه
فايزه :- مليكه بتحبه وهى اللى اختارت تكمل معاه
مازن :- ربنا يسعدها بجد انا معرفش مليكه غير من ايام بس بحس ان اعرفها من زمان اوى وبعزها زى اختى بالظبط
فايزه :- وانت والله يا ابنى مع اننا منعرفش عنك حاجه بس بنحس انك واحد مننا
مازن :- طنط انا كان ليا طلب عندك
فايزه :- طبعآ يا ابنى اطلب
مازن :- انا عايز اتجوز مى
فايزه :- اتفاجئت بطلب مازن وقالت ايوه يا ابنى انا لسه بقولك معرفش عنك حاجه
مازن :- اسألى على اللى انتى عايزه تعرفيه وانا هرد عليكى
فايزه :- مش حكاية اسأل فين اهلك محدش جه معاك ليه
مازن :- بصى انا اسمى مازن محمد ابراهيم عندى 28 سنه شغال فى بنك بابا وماما متوفين فى حادثة عربيه من خمس سنين وعندى اخت واحده اصغر منى متجوزه وعايشه فى باريس الحاله الماديه كويسه الحمدالله اقدر افتح بيت عندى شقتى بتاعت ابويه عايش فيها ومش محتاجه حاجه جاهزه من كل حاجه الحمدالله الناس كلها بتشهد بيا مش بشرب سجاير وملتزم بدينى وبصلاتى بس هو ده ملخص حياتى
فايزه :- انا مش عارفه اقولك ايه بصراحه بس ادينى فرصه اسأل مى واخد رأيها ورأى اخواتها
مازن :- ماشى يا طنط وانا هنتظر ردك
فايزه :- يإذن الله
مازن :- وقف وقال انا همشى بقى وابقى سلمى ليا على مليكه سلامه عليكم
فايزه :- يوصل يا ابنى مع السلامه وفتح الباب وفى الوقت ده كان اسر على الباب هيرن الجرس
فايزه :- اسر تعال يا ابنى عامل ايه
اسر :- وهو بيبص على مازن قال الحمدالله
مازن :- طب استأذن انا
فايزه :- ماشى يا ابنى مع الف سلامه ونزل مازن من على السلم ودخل اسر وقفل الباب
اسر :- مين ده يا مرات عمى
فايزه :- ده صديق مليكه وجاى يسأل عليها وطلب منى ايد مى
وفى الوقت ده كانت مى ومها جاين
مى :- كانت ماسكه كوباية مايه فى ايديها واول ما سمعت كده وقعت الكوبايه من ايديها
الكل بص على مى
مى :- بتوتر ا.ا اسفه وقعت من ايدى غصب عنى ونزلت تلم ازاز الكوبايه
اسر :- يا اختى بيضه بتعرفى تتكسفى زى البنات
مى :- اسر خليك فى حالك
اسر:- هههههههههههه ماشى هخف من عليكى النهارده كفايه التوتر اللى انتى فيه بس هو سؤال واحد انتى ايه رأيك موافقه
مى :- اتكسفت وقالت حاجه متخصكش ملكش دعوه
اسر :- هههههههههه عرفت ردك
مها :- سيبك منها وركز معايه انا ولا انا شفافه بالنسبه ليك
اسر :- شفافه ايه ده انت مالى مركزك يا وحش
مها :- والله
اسر :- بقولك ايه يا مرات عمى ما تجوزينى البت دى بقى احسن خلاص مش مستحمل بعدى عنها
فايزه :- طب واهلك
اسر :- ما انتى عارفه صعب انهم يوافقه
فايزه :- بس يعنى مينفعش لازم يكون اهلك موجودين
اسر :- يا مرات عمى اهلى صعب يوافقه وانا مش قادر اعيش بعيد عن مها اكتر من كده وبعدين انا مش حد غريب انا ابن عمها وفقى بالله عليكى
فايزه:- ……………………………

*********************
إلي هنا ينتهي الفصل الرابع والعشرون من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق