غير مصنف

رواية متمردة عشقت كبريائه – دودو محمد – الفصل السادس والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل السادس والعشرون من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد – الفصل السادس والعشرون

اقرأ أيضا: قصص رومانسية

رواية متمردة عشقت كبريائه - دودو محمد
رواية متمردة عشقت كبريائه – دودو محمد

رواية متمردة عشقت كبريائه بقلم دودو محمد – الفصل السادس والعشرون

فى المطعم كان قاعد اسر مع مها على الطربيزه
مها :- اسر
اسر :- نعم يا قلبى
مها :- هقولك حاجه بس بالله عليك بلاش تتعصب
اسر :- المقدمه مش عجبانى بس قولى
مها :- بالنسبه للرقم مازن اللى معايه امسحه ولا اخليه بس يعنى اعمل حسابك ان هو هيبقى جوز اختى فا مفيش حاجه يعنى لو خليت رقمه معايه
اسر :- بصى طول ما هو مفيش حاجه يبقى راجل غريب عنكم انا مش عارف ازاى مرات عمى قبلت ان هى تدخله البيت عندها وهى عندها بنات بس عمومآ هاتى الرقم عندى فى التليفون وامسحيه من عندك ولو عرفت انك اتكلمت معاه هيبقى ليا تصرف تانى معاكى
مها :- حاضر طب لما يتجوز اختى برضه متكلمش معا
اسر :- لما يبقى جوزها يبقى يحلها ربنا هاتى الرقم
مها :- اديته التليفون علشان ياخد رقم مازن
اسر :- اخد رقم مازن ومسح الرقم من تليفون مها
مها :- هههههههههههه
اسر :- بتضحكى على ايه
مها :- منظرك تحفه وانت بتغير عليا
اسر :- لا والله
مها :- بجد انا فرحانه اوى بغيرتك دى
اسر :- ايوه بغير لا نقصان ولا ضعفان ولا سكران ولا صايغ من عينى الضى ولا حد احسن منى فى شئ بس بغير واللى قالولك غيرت الراجل قلة ثقه او قلة فهم خلق حمير غيرت الراجل نار فى مراجل نار بتنور ما بتحرقش
مها :- الله حلوه اوى يا اسر
اسر :- طب لو عندك حتة ماس هتخليها مداس للناس ولا هتقفلى عليها اوضه بمية ترباس يمكن حتى تأجرى ليها جوزين حراس يبقى لا انا غافل ولا جاهل بس بغير
مها :- لالالا انا بحب شاعر كمان
اسر :- انا فى حبك بقيت كل حاجه تتوقعيها يا مها
مها :- وانا بحبك اوووووووى يا اسر
اسر :- مها انا عشت عمرى اللى فات على امل انك بس تبتسمى ليا ابتسامه واحده انا لحد دلوقتى مش مصدق نفسى انك بقيتى معايه وبتاعتى خايف لكون بحلم
مها :- مسكت ايده وقالت لا يا اسر انا معاك وبتاعتك وبين ايديك وبتمنى رضاك وبتمنى اعيش عمرى كله جمبك وفى حضنك ومبعدش عنك ولو للحظه واحده
اسر :- ربنا يخليكى ليا
مها :- ويخليك ليا يارب
……………………………………………………
فى فيلا فريد المنشاوى
فى اوضت فهد
خرجت مليكه وهى لابسه البورنص
فهد :- حمام الهنا يا عروسه
مليكه :- اتكسفت وقالت فهد
فهد :- قلب وروح فهد
مليكه :- وقفت قدام المرايا تسرح شعرها
فهد :- راح حضن مليكه من ضهرها وبسها فى رقبتها وقال فكره لما كنتى بتسرحى شعرك واحنا فى الفندق
مليكه :- ههههههه اه
فهد :- كان هاين عليا اقوم واقطعك بسنانى بس كانت حاجه بتمنعنى ان اتهور واخد حاجه غصب عنك
مليكه :- لفت ليه ووقفت قصاده وبصت فى عينه وقالت ده اللى كان بيمنعك وشاورت على قلبه
فهد :- بص فى عيون مليكه وقال ده انتى اللى حركتيه انتى اللى دخلتى فيه وخلتيه يدق ليكى وبأسمك ويقول بعلو صوته بحبها يا ناس ومش قادر على بعدها عنى انتى الحاجه الوحيده اللى اتمنتها تتحق انتى عمرى كله يا مليكه
مليكه :- حضنت فهد واتشعلقت فى رقبته وقالت بحبك بحبك بحبك
فهد :- ضمها اوى فى حضنه وقال وانا بعشقك
مليكه :- لسه هتبعد عنه
فهد :- رايحه فين
مليكه :- هسرح شعرى
فهد :- لا تسرحى ايه انتى كده كده هتغسليه تانى
مليكه :- زقته وطلعت تجرى وقالت لالالا تانى لا انا الصراحه جعانه اوى
فهد :- تعالى بس وبعدين نبقى ننزل ناكل
مليكه :- هههههههه لا
فهد :- كده وطلع يجرى وراها
مليكه :- نطت بعيده عنه وقالت بس بقى يا فهد وادخل استحمه
فهد :- تعالى الاول
مليكه :- لا تانى لا
فهد :- بغيظ تعالى مش كفايه كنت ماسك نفسى عنك كل ده خلينى بقى اخلص القديم
مليكه :- ههههههههه لا يعنى لا
فهد :- راح يجرى عليها وقال لو مسكتك عقابك هيبقى مضاعف
مليكه :- جريت بعيد عنه وقالت مش هتقدر بس قبل ما تخلص كلمتها
فهد :- مسكها وشالها وقال انا قولتلك عقابك هيبقى مضاعف وعقابى ليكى هتفضلى فى حضنى طول اليوم
مليكه :- وهى بتحاول تبعد عنه لالالا يا فهد بقى
فهد :- حطها على السرير وقال انتى اللى جبتيه لنفسك لو كنتى سمعتى الكلام من الاول مكنش هيبقى فى عقاب وقرب على شفايفها وبسها و(سكتت شهرزاد عن الكلام الغير مباح 😉😉 عرسان بقى يا جماعه 😂😂)
……………………………………………………
فى اوضت فارس
صحيت مروه وبصت بقرف على فارس
وقامت دخلت الحمام واخدت شاور وطلعت من الحمام لبست هدومها وخرجت من الاوضه ونزلت وكانت سهير قعده
مروه :- صباح الخير يا طنط
سهير :- صباح النور يا حبيبتى
مروه :- امال فين الباقين
سهير :- كلهم فى الاوض بتاعتهم
مروه :- طنط احنا بقالنا كتير محطناش الحبوب لزفتت الطين دى وانا خايفه لتحمل وسعتها مش هنعرف نبعدها عن فهد
سهير :- تصدقى ان انا نسيت الموضوع ده طب ايه الحل
مروه :- هدخل المطبخ احضر العصير ليها وهحط ليها الحبايه فى العصير وهعمل القهوه لفهد وهبعتهم مع الشغاله وتقولهم ان نانا هى اللى بعتاها ليهم
سهير :- تسلم دماغك
وراحت مروه على المطبخ وعملت العصير والقهوه وبعتتهم مع الشغاله
وطلعت الشغاله خبطت على باب اوضت فهد وشويه وفتح فهد وهو متعصب وقال
فهد :- بعصبيه ايه عايزه ايه
الشغاله :- ست ناديه بعته ده ليكم
فهد :- اخدهم منها وقال ماشى انزلى حضرى لينا الاكل وهاتى هنا فى الاوضه
الشغاله :- بخوف ح.ح.حاضر
ونزلت الشغاله ودخل فهد بالعصير والقهوه
مليكه :- مين يا فهد
فهد :- ده نانا بعته لينا ده واداها العصير
مليكه :- والله نانا دى عسل جه فى وقته الصراحه
فهد :- اشربى العصير وانا قولت للشغاله تحضر لينا الاكل وتجيبه هنا
مليكه :- ايه ده هو احنا مش هننزل خالص النهارده
فهد :- لا وغمز ليها وقال انتى ناسيه العقاب ولا ايه
مليكه :- يا فهد ننزل شويه نقعد مع نانا وبابا فريد ونبقى نطلع تانى الاوضه
فهد :- لا انتى مش هتنزلى النهارده من الاوضه وانا هنزل نص ساعه وهاجى
مليكه :- هتنزل ليه بقى ان شاءالله
فهد :- كده واشربى العصير يلا
مليكه :- قامت وقفت وهبطت برجليها فى الارض وقالت والله ده ظلم يعنى انت تنزل وتسبنى انا محبوسه هنا فى الاوضه
فهد :- هههههههههه شبه الاطفال وانتى بتعملى كده
مليكه :- طفله طفله بس خدنى معاك
فهد :- ههههههه لا
مليكه :- يووووووه بقى
فهد :- مش هغيب والله
مليكه :- ماشى يا فهد وشربت العصير وفى الوقت ده جه الاكل وقعدت مليكه وفهد ياكلو
وبعد شويه انتهو من الاكل ودخل فهد اخد شاور وخرج لبس هدومه ونزل من الاوضه ركب عربيته ومشى
……………………………………………………
عند اسر ومها
وصلو للبيت وطلعو رنه الجرس بتاع الشقه وفتحت ليهم مى
مى :- جوز كنارى يا اخواتى
اسر :- بس بقى امبارح كنا هنولع فى بعض بسبب عنيكى يا اوزعه تقوليش شراره يااختى
مى :- هههه خفه يا زرافه
مها :- تعالو بس ندخل الاول وبعدين اعملو اللى انتو عايزينه
ودخلو وقفلو الباب وراهم
فايزه :- ربنا يسعدكم يارب ويهدى سركم
اسر :- اللهم امين
فايزه :- بس معلش يا ابنى عايزه الرقم بتاع مازن اكلمه وبعدين تبقى تمسحه
اسر :- انا مسحته من على تليفونها الرقم معايه انا هتصل انا بى وهبلغه باللى انتو عايزينه واهو يعرف ان معاكم راجل
فايزه :- طبعآ يا ابنى ما انت ابن عمها وفى مقام اخوها
اسر :- طبعآ يا مرات عمى وطلع تليفونه وطلب رقم مازن وانتظر الرد
مازن :- السلام عليكم
اسر :- وعليكم السلام
مازن :- ايوه حضرتك مين معايه
اسر :- انا اسر ابن عم مى
مازن :- ايوه اتشرفت بيك
اسر :- الشرف ليا
مازن :- ايوه اتفضل
اسر :- بالنسبه لموضوع مى فهى طلبت انها تقعد معاك علشان تتعرف عليك اكتر
مازن :- اه طبعآ شوف حضرتك عايزينى اجى امته
اسر :- ممكن النهارده بعد العشا ان شاءالله
مازن :- بإذن الله هكون على الموعد موجود
اسر :- فى انتظارك مع السلامه
مازن :- الله يسلمك
وقفل اسر مع مازن وبص لفايزه وقال
اسر :- حلو كده المعاد يا مرات عمى
فايزه :- الله ينور عليك يا ابنى بس خليك معانا بقى علشان تقعد معا
اسر :- ايوه طبعآ انا هستنا معاكم
فايزه :- ربنا ما يحرمناش منك يا ابنى
اسر :- ولا يحرمنى منكم يا مرات عمى انتو اهلى اللى بحق وحقيقى
……………………………………………………
فى فيلا فريد المنشاوى
فى اوضت فهد
كانت مليكه قعده بتتفرج على التلفزيون والباب خبط قامت فتحت الباب لاقتها ناديه
مليكه :- تعالى يا نانا
ناديه :- دخلت وقالت عرفت ان الولا فهد نزل قولت اجى ادردش معاكى شويه
مليكه :- تنورينى يا نانا
ناديه :- ده نورك يا حبيبتى المهم الولا فهد عامل معاكى ايه
مليكه :- كويس اوى يا نانا
ناديه :- هههههه عنيكى باين فيها كل حاجه ربنا يهنيكم يا حبيبتى
مليكه :- ربنا يخليكى يا نانا ما الفضل يرجع ليكى فى الاول وفى الاخر فكره لما جيتى ليا وعرفتينى ان فهد ملمسنيش ده اكتر حاجه خلتنى اوافق ان اتجوزه وانا واثقه ان مش هيقدر يأذينى وانا مراته
ناديه :- وفكره لما قولتلك ان فهد طيب اوى
مليكه :- فعلا فهد طيب اوى وحنين عليا واللى يقرب منه ويعرفه يعشقه وميقدرش يبعد عنه
ناديه :- ربنا يسعدكم ويبعد عنكم ولاد الحرام ويرزقكم الزريه الصالحه
مليكه :- اللهم امين
ناديه :- وقفت وقالت لما اروح انا بقى انا قولت اطمن عليكم والحمدالله فرحتى قلبى
مليكه :- ربنا يخليكى يا نانا وشكرآ على العصير
ناديه :- بأستغراب عصير ايه
مليكه :- العصير والقهوه اللى بعتيها لينا من شويه
ناديه :- بس انا مبعتش ليكم حاجه
مليكه :- ازاى دى الشغاله قالت لفهد ان انتى اللى بعتاهم لينا
ناديه :- يبقى اكيد ده ملعوب من العقربتين سهير ومروه بس يا ترى حطين ليكى ايه فى العصير
مليكه :- بخوف مش عارفه
ناديه :- ايه حاجه تيجى ليكى الاوضه اوعى تكليها ولا تشربيها لحد ما نشوف هما بيحطو ليكى ايه
مليكه :- انا خايفه اوى يا نانا ليكونو بيحطو ليا نوع مخدر ولا حاجه
ناديه :- متخفيش وزى ما قولتلك اوعى تخدى حاجه منهم
مليكه :- حاضر
ناديه :- انا وفريد وفهد معاكى متخفيش محدش هيقدر يأذيكى
مليكه :- ربنا يخليكم ليا
ناديه :- هسيبك انا بقى وخرجت من الاوضه وقابلت فهد وهو طالع من على السلم
فهد :- نانا انتى كنتى عند مليكه
ناديه :- اه يا حبيبى كنت بطمن عليها علشان منزلتش انهارده
فهد :- بضحكه لا ما انا عامل ليها حبس انفرادى اصل احنا عرسان جداد
ناديه :- بحنيه ربنا ميحرمكمش من بعض فهد تعال معايا فى اوضى عايزه اقولك حاجه
فهد :- ضرورى يعنى بقولك انا عريس يا نانا
ناديه :- مش هأخرك تعال ورايا
فهد :- فى سره يادى النيله الواحد مش عارف ياخد راحته فى الفيلا دى ياريتنى كنت طلعت على شقتى كنت هبقى براحتى اكتر من كده اااااه مليكه واحشتنى اووووووووى
ناديه :- فهد فهد
فهد :- ها
ناديه :- هههههههه اللى واخد عقلك
فهد :- هو فى غيرها يا نانا مليكه طبعآ
ناديه :- طب ادخل واقفل الباب وراك
ودخل فهد وقفل الباب وراه
……………………………………………………
فى شقة اسر
مر الوقت ووصل مازن فى المعاد وطلع رن الجرس وفتح ليه اسر
مازن :- السلام عليكم
اسر :- وعليكم السلام اتفضل
مازن :- دخل وقال انا مازن
اسر :- اهلا بيك وانا اسر ابن عم مى
مازن :- اتشرفت بيك
اسر :- اتفضل اقعد
مازن :- قعد وقال احم انا كنت طلبت ايد الانسه مى من طنط فايزه
اسر :- ايوه مرات عمى قالت ليا ومى طلبت تقعد معاك علشان تتعرف عليك اكتر علشان تقدر تاخد القرار الصح
مازن :- انا تحت امرها طبعآ
اسر :- عن اذنك ثوانى وسابه وطلع وقال مى تعالى معايه يلا
مى :- بتوتر مسكت ايد مها وقالت مها تعالى اقعدى معايه
اسر :- شد ايديها من ايد مها وقال تيجى تقعد معاكى فين يا اما انتى عبيطه ادخلى ابت قدامى والله وجه اليوم اللى اشوفه فيكى يا اوزعه
مى :- اللهى يجيبو ويحطه عليك يا اسر يا ابن ام اسر
مها :- ههههههههههه مجنونه والله
ودخلت مى مع اسر وقعدت وبصت على الارض وكانت متوتره وعماله تفرك فى ايديها
اسر :- احم هروح اخليهم يجيبو ليكم حاجه تشربوها
وخرج اسر وبص مازن على مى لاقها متوتره وبصه على الارض كتم ضحكته وقال
مازن :- سبحان الله كنتى قطه شرسه ايه قلبك لقطه سيامى كده
مى :- ل.ل.لو سمحت اتكلم عدل
مازن :- وانا قولت ايه مش كان لسانك قد كده معايه المرتين اللى شوفتك فيهم ايه اللى حصل القطه اكلت لسانك ولا بلعتيه
مى :- كده طب انا مش موافقه عليك
مازن :- بثقه لا هتوافقى وهتجوزك برضاكى
مى :- يابارد يا غلس مش هتجوزك
مازن :- طب عينى فى عينك كده يعنى عايزه تقنعينى انك مش معجبه بيا من اول مره شوفتينى فيها
مى :- ده ايه الثقه الزياده اللى فيك دى ده انت واحد مغرور زياده عن اللزوم
مازن :- بثقه بس استاهل صح شاب امور ولقته لاى واحده
مى :- يخربيت غرورك
وفى الوقت ده دخل اسر وقال
اسر :- ها ايه اخبار العرسان
مازن :- انا عرفت رأى العروسه
اسر :- هههههه هى لحقت تقوله ليك
مى :- لا انا م
مازن :- قطعها وقال خلاص يا مى انا هقوله هى عايزه تقولك انها موافقه
مى :- انا مش
مازن :- حاضر هقولو هى عايزه تقولك ان احنا اتفقنا ان مش هنتأخر فى مدة الجواز خلال شهر هنتجوز
مى :- اتصدمت وفتحت بؤقها من كتر الصدمه
مازن :- وهو بيكتم ضحكته على منظر مى قال ها يا استاذ اسر ايه رأيك
اسر :- والله هى فكره حلوه وممكن نعمل فرحنا مع بعض اصل انا برضه فرحى على اختها اخر الشهر بس برضه الرأى رأى مرات عمى
مازن :- انا عندى الشقه جاهزه من كل حاجه ومش نقصها غير شنطة هدومها
مى :- لسه مصدومه من اللى بيحصل
اسر :- طب ثوانى اسأل مرات عمى وارد عليك وخرج اسر
مازن :- هههههههههههههههههه طب اقفلى بؤق علشان منظرك تحفه
مى :- ا.ا.انت ازاى تقول ان انا موافقه
مازن :- حط رجل على رجل وقال والله انتى ليه معترضيش على كلامى
مى :- انت ايه جبله بقولك مش موافقه عليك
مازن :- انتى خلاص وافقتى ودلوقتى ابن عمك هيجيب الموافقه من امك وشوفى هترفضى ازاى
مى :- عااااااااااا بارد انت طلعت ليا منين
مازن :- الحظ رما اختك فى سكتى علشان اشوفك انتى
مى :- ساعه سوده ومنيله بطين ده من بختى الاسود
مازن :- ههههههههههههه عسل
……………………………………………………
عند اسر وفايزه
اسر :- انا والله يا مرات عمى شايفه كويس وشارى مى ومى شكلها مرتاحه ليه
فايزه :- بس يا ابنى اخر الشهر برضه طب انت وافقت انك تجيب كل حاجه علشان فى الاول ولاخر ابن عمها لكن ده واحد غريب ازاى هخليه يجيب كل حاجه
اسر :- هو مش هيجيب هو عنده فعلا الحاجه موجوده
مها :- وافقى يا ماما واخلصى منها وارتاحى
فايزه :- طب اتأكد من رأيها يا اسر
اسر :- ايوه يا مرات عمى العريس قال ليا رأيها وهى كانت موجوده ومعترضتش يعنى هى اللى قايله ليه رأيها وواضح عليها انها موافقه
مها :- وافقى بالله عليكى يا ماما
فايزه :- ماشى على خيرت الله
مها :- لولولولولولولولوى
ودخل اسر بلغ مازن بالموافقه
مى :- الصدمه مأثره عليها من كل اللى بيحصل
اسر :- مبروك يا اوزعه حتى يوم فرحى مشركانى فيه بس يلا مش مهم
مى :- ها
اسر :- مالك يا بنتى
مازن :- الفرحه مأثره فيها
وقرو الفاتحه وشويه ومشى مازن ودخلت مى اوضتها وقفلت الباب وراها وحطت ايديها على قلبها وقالت
مى :- لقلبها اهدا شويه كنت هتفضحنى وتعرف الناس ان انا فرحانه اوووووى
عسل ابن الايه هو صحيح مغرور وبيغلس عليه بس دمه زى العسل المكرر عايز يتاكل اكل ابن اللذينه ونامت على السرير ومسكت المخده وغنت وقالت🎶🎵🎵🎼 وبحب الواد الشيك الواثق من نفسه مهما بقابل وبشوف عندى محدش بينفسه🎵🎵🎶🎶 عارفين دوابنى ازاى زى السكر فى الشاى انا رايحه معا لو رايح انا جايه معا لو جاي🎼🎼🎵🎵🎶
وبعدين قالت هييييييييييح ده الحب حلو اوى يا جدعان
……………………………………………………
فى فيلا فريد المنشاوى
خرج فهد من اوضت ناديه وراح على اوضه واول ما فتح الباب
مليكه :- جريت عليه وحضنته وقالت كل ده يافهد انا زعلانه منك ومخصماك
فهد :- ضمها ليه وحضنها جامد وقال حقك عليا يا ملوكتى انا مقدرش على زعلك ولا خصامك
مليكه :- علشان انت يا فهد سايبنى قعده لوحدى كل ده
فهد :- معلش كنت بعمل ليكى مفاجئه
مليكه :- طلعت من حضنه وقالت مفاجئه مفاجئت ايه دى يا فهد
فهد :- يعنى انا لو قولتها ليكى هتبقى مفاجئه ازاى
مليكه :- مدت شفتها اللى تحت زى الاطفال وقالت انا زعلانه منك
فهد :- نزل على شفتها وبسها وبعد وقت طويل بعد عنها وقال بلاش الحركه دى تانى بتخلينى اضعف ومقدرش اتحكم فى نفسى
مليكه :- انت غلس يا فهد
فهد :- طلع باكو الشكولاته وقال بما انى غلس كنت جايب ده لواحده بس خلاص بقى مش هدوهلها اصل انا غلس
مليكه :- الله شكولاته ده انا بحبها اوى
فهد :- بس هو مش ليكى
مليكه :- انت حبيب قلبى يا فهد
فهد :- دلوقتى حبيب قلبك ما من شويه كنت غلس
مليكه :- لالالا ده مين اللى قال كده
فهد :- عايزه الشكولاته
مليكه :- ايوه
فهد :- هاتى بوسه
مليكه :- ايه لا طبعآ
فهد :- براحتك يبقى مفيش شكيولاته
مليكه :- استغلالى
فهد :- ها قرارتى ايه
مليكه :- اديته بوسه فى خده وقالت هات بقى
فهد :- انتى بتحايلى ابن اختك
مليكه :- مش قولت بوسه اديتك بوسه هات الشكولاته بقى
فهد :- لا يا ماما البوسه كده وقرب على شفايفها وبسها بوسه طويله وشالها وحطها على السرير و(سكتت شهرزاد عن الكلام الغير مباح 😉😉شهرزاد زهقت وهتولع فى نفسها😂😂😂)
……………………………………………………
فى اوضت فارس
فارس :- مروه
مروه :- اممم
فارس :- كنتى فين امبارح
مروه :- بتسال ليه
فارس :- اصلك خرجتى من غير ما تقولى ليا ولما رجعتى حصل اللى حصل ومعرفتش اسألك
مروه :- ك.ك.كنت بزور واحده صحبتى كانت تعبانه
فارس :- صحبتك مين دى
مروه :- بعصبيه في ايه يا فارس يعنى انت تعرف كل اصحابى وبعدين من امته وانت بتسألنى رايحه فين وجايه منين
فارس :- مش قصدى والله يا حبيبتى انا بطمن عليكى مش اكتر
مروه :- لا اطمن انا مش صغيره واعرف اروح واجى لوحدى
فارس :- قرب عليها وقال خلاص بقى متزعليش بس عايز اقولك انك كنتى امبارح وحش ما تيجى نرجع ليلة امبارح
مروه :- زقته ونامت وقالت نام يا فارس نام
فارس :- نام على السرير وقال هووووف يوم تكونى كويسه وعشره تكونى عصبيه وتقلبى
مروه :- اطفى النور بقى وبطل صداع
فارس :- طفه النور ونام
……………………………………………………
فى اوضت فهد
كانت مليكه نايمه فى حضن فهد وبتاكل الشكولاته
فهد :- ههههههههههههه
مليكه :- بتضحك على ايه
فهد :- حلوه فكرت الشكولاته دى
مليكه :- والله
فهد :- هجيب منها واخليها فى الدولاب علطول وكل ما ترفضى اطلع ليكى باكو الشكولاته
مليكه :- بس يا غلس
فهد :- ههههههههههههه يخربيت جمالك عسل
مليكه :- ايه الشنط دول يا فهد
فهد :- قام ومسك مليكه من ايديها وشدها وراح عند الشنط وقال افتحيهم وشوفيهم بنفسك
مليكه :- فتحت اول شنطه وقالت واو تليفون
فهد :- بدل اللى ضاع منك وعلشان تكلمى مامتك واخواتك تطمنى عليهم وانا لما انزل الشغل اعرف اتصل بيكى واطمن عليكى
مليكه :- حضنته وقالت ربنا يخليك ليا
فهد :- مليكه شوفى بقيت الحاجه بدل مااشيلك واحطك على السرير تانى
مليكه :- احم خلاص خلاص وفتحت تانى شنطه وكانت فيها هدوم خروج لمليكه طلعتهم وبصت عليهم وقالت واو تحفه بجد حلوين اوى
فهد :- طب كويس ان عجبوكى ويارب يطلعو مقاسك
مليكه :- اكيد لازم يعجبونى مش انت اللى جايبهم وزوقك بجد روعه وفتحت الشنطه الاخيره وبصت فيها ووشها احمر
فهد :- وهو بيكتم ضحكته ايه مش عجبينك ولا ايه
مليكه :- تصدق انك قليل الادب ايه اللى انت جايبه ده
فهد :- الله مش مراتى وعايزك تدلعينى وبعدين انتى مكسوفه من ايه طب ما انا شوفت كل حاجه
مليكه :- فهد بطل قلة ادب انا مستحيل البس المسخره دى
فهد :- بزعل مزيف ليه بس يا مليكه انا راجل زى كل الرجاله وعايز مراته تدلعه ولا اروح اشوف واحده تانيه تدلعنى
مليكه :- ت ايه ده انا اقتلك واقطعك واحطك فى كياس لو تفكر تبص لواحده غيرى
فهد :- وهو بيكتم ضحكته يبقى خلاص البسى ليا دلوقتى حاجه من دى
مليكه :- ي.ي.يا فهد اتكسف
فهد :- هتتكسفى من ايه يا ملوكه ده انا جوزك طب استنى انقى ليكى واحد
ونقى بيبى دول احمر واداه لمليكه
مليكه :- لالالا مستحيل البسه د.د.ده قصير اوى
فهد :- براحتك يا مليكه تصبحى على خير وسبها وراح نام على السرير وبص عليها من تحت لتحت
مليكه :- مدت ايديها بتردد واخدته وهى مكسوفه ودخلت الحمام اخدت شاور ولبسته
فهد :- ضحك ضحكت انتصار وعمل نفسه نايم
مليكه :- خرجت وهى مكسوفه ودخلت تحت الغطا وقالت ف.ف.فهد ق.ق.قوم ا.ا.انا عارفه انك صاحى منمتش
فهد :- قام وشد الغطا وقال ايوه كده ايه الجمال ده بس
مليكه :- ف.ف.فهد متبقاش غلس بقى هات الغطا
فهد :- ههههههههه ماشى خدى اهو احسن انا حاسس بقلبك هيقف فيها
مليكه :- ماشى يا فهد وغطت نفسها
فهد :- نام جمبها واخدها فى حضنه وقال مليكه انا عايز اقولك حاجه
مليكه :- قول يا فهد
فهد :- ……………………………

*********************
إلي هنا ينتهي الفصل السادس والعشرون من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق