غير مصنف

رواية متمردة عشقت كبريائه – دودو محمد – الفصل السابع والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل السابع والعشرون من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد – الفصل السابع والعشرون

اقرأ أيضا: قصص رومانسية

رواية متمردة عشقت كبريائه - دودو محمد
رواية متمردة عشقت كبريائه – دودو محمد

رواية متمردة عشقت كبريائه بقلم دودو محمد – الفصل السابع والعشرون

اشرقت شمس صباح يوم جديد بنورها الساطع فى سماء الاسكندريه لتداعب بخيوطها الصفراء العيون البنيه
مليكه :- فتحت عنيها على اشعة الشمس بصت جمبها ملاقتش فهد نايم جمبها وشويه ولاقته طالع من الحمام
فهد :- صباح الخير يا قلبى صباحيه مباركه
مليكه :- صباح الخير يا عمرى انت بتلبس ورايح فين
فهد :- نازل الشغل بقالى كتير اوى منزلتش الشركه والشغل كله على باسم كتر خيره
مليكه :- طب خليك معايه انهارده
فهد :- مقدرش والله يا حبى بس وعد منى هاجى بدرى
مليكه :- بزعل طيب
فهد :- متزعليش يا ملوكتى انا لو عليا مش عايز ابعد عنك ثانيه واحده بس غصب عنى والله
مليكه :- خلاص مش زعلانه ربنا يرزقك بالحلال ويزود رزقك يارب الدعوه دى كنت اسمع ماما بتقولها لبابا الله يرحمه كل يوم الصبح
فهد :- بسها من رسها وقال يارب يا قلبى عايزه حاجه اجبها ليكى وانا جاى
مليكه :- لا يا قلبى عايزه سلامتك
فهد :- تسلميلى يارب مع السلامه
مليكه :- الله يسلمك يا عمرى ومشى فهد وقامت مليكه من على سريرها دخلت الحمام اخدت شاور واتوضت وخرجت لبست هدومها وادت فرضها وبصت فى الساعه لاقتها لسه بدرى قالت
مليكه :- لسه ماما ومى ومها نايمين شويه كده واتصل بيهم ورتبت الاوضه ومسكت المصحف وقعدت تقراه فيه
……………………………………………………
فى اوضت فارس
صحيت مروه من نومها على صوت تليفونها وهو بيرن بصت على الرقم لاقته رقم ماهر بصت على فارس لاقته لسه نايم قامت براحه ودخلت الحمام وقفلت الباب وراها واتصلت على ماهر
مروه :- ايه يا ماهر متصل بيا فى الوقت ده ليه
ماهر :- ايوه يا ست الكل الصور خلصت وكل تمام ولو جوزها شافهم هيقتلها علطول صور مثيره اخر حاجه
مروه :- برافو عليك يا ماهر
ماهر :- ايوه بس اوعى تنسى المعلوم
مروه :- مش خساره فيك اى مبلغ تطلبه انا شويه وجيالك سلام
ماهر :- سلام
وقفلت مروه مع ماهر وضحكت ضحكة شر وقالت
مروه :- ههههههههههههه نهايتك قربت يا مليكت الكلب انتى وهخلص منك للابد وفهد هيكون ليا من تانى واخدت شاور وخرجت من الحمام وكان فارس صحى
فارس :- انتى كنتى بتتكلمى فى الحمام
مروه :- ها ل.ل.لا ليه
فارس :- اصل شايف انك واخده التليفون معاكى فى الحمام
مروه :- ا.ا.اصل خوفت ليرن وانا فى الحمام ويقلق من النوم علشان كده اخده معايه
فارس :- اه ماشى وسبها ودخل الحمام
مروه :- هوووووف كنت هروح فيها وسرحت شعرها ولبست هدومها وقعدت استنت لحد ما فارس طلع من الحمام ولبس هدومه ومشى من الفيلا نزلت من الاوضه
مروه :- صباح الخير
سهير :- صباح النور انتى خارجه ولا ايه
مروه :- ها ا.ا اه هروح ابص على واحده صحبيتى تعبانه
سهير :- ماشى يا حبيبتى ربنا معاكى
وخرجت مروه من الفيلا وراحت المكان المشبوه
……………………………………………………
فى شركة فريد المنشاوى
وصل فهد الشركه والكل رحب بى وبعد وقت من الترحيب دخل فهد المكتب عند باسم
باسم :- اتفاجئ بوجود فهد وقام من على مكتبه وراح سلم على فهد وقال ايه اللى نزلك يا ابنى
فهد :- كفايه قعده فى البيت بقى قولت انزل اشيل من عليك شويه
باسم :- يا ابنى انا مشتكتش كنت خليك يومين كمان لحد ما ترتاح خالص وبعد كده كنت انزل الشغل
فهد :- الحمدالله انا كويس واحسن من الاول كمان بوجود مليكه فى حياتى
باسم :- ربنا يهنيكم ويسعدكم يارب مليكه كويسه وبنت حلال وتستاهل كل خير وانت مش علشان صحبى بس بجد يا بخت مليكه بيك
فهد :- ربنا يخليك يا باسم انت ونعمه الصاحب بجد طول عمرك وقف جمبى على المره قبل الحلوه ربنا ما يحرمنيش منك علشان انت اخ بجد
باسم :- ربنا يديم ما بنا الاخوه يا فهد
فهد :- هروح انا بقى اشوف شغلى
باسم :- ماشى بس عمومآ مفيش شغل كتير اصل انا كنت بخلص اول بأول فا مش هتلاقى غير شغل النهارده
فهد :- ربنا يديك الصحه وخرج من مكتب باسم راح على مكتبه ومسك تليفون المكتب وطلب السكرتيره وقال
فهد :- سهر هاتى الشغل بتاع النهارده واطلبى ليا القهوه بتاعتى
سهر :- حاضر يا فندم
وقفل فهد مع سهر وبص على المكتب اللى كان محطوط لمليكه وافتكر اللى كان بيحصل ما بنهم وضحك وقال
فهد :- هههههه رغم عنادك وتمردك يا مليكه بس قدرتى تخطفى قلبى بكل حركه بتعمليها ربنا يخليكى ليا وميحرمنيش منك
……………………………………………………
فى فيلا فريد المنشاوى
فى اوضت فهد ومليكه
مسكت التليفون وطلبت رقم امها وانتظرت الرد
فايزه :- السلام عليكم
مليكه :- وعليكم السلام اذيك يا ماما
فايزه :- بفرحه مليكه حبيبت قلبى عامله ايه واحشتينى اوى
مليكه :- الحمدالله يا ماما انتى والبنات عاملين ايه
فايزه :- اخواتك اتخطبو يا حبيبتى ومكنتش عارفه اوصلك علشان اقولك
مليكه :- بفرحه بجد مبروك يا ماما طب مها واكيد اسر امال مى مين
فايزه :- مازن
مليكه :- مازن مين مازن اللى كان معايه فى الغردقه
فايزه :- اه هو
مليكه :- وده لحق يعجب بيها امته ده اول لقاء ما بنهم كانت مى سلخاه
فايزه :- انا عارفه اهو بيقول اعجب بيها وشكل اختك معجبه بي
مليكه :- طب وامته الفرح
فايزه :- الاتنين مع بعض اخر الشهر
مليكه :- بصدمه ايه طب ازاى ده فاضل اسبوعين بس على اخر الشهر
فايزه :- ابن عمك هيجيب هو كل حاجه ومازن عنده شقته وحاجته ومش محتاج اجيب حاجه يعنى جوزين عرسان جاهزين
مليكه :- ربنا يهنيهم ويسعدهم
فايزه :- وانتى عامله ايه مع جوزك
مليكه :- مبسوطه اوى يا ماما فهد طيب اوى وبيحبينى وعايشه اسعد واحده
فايزه :- ربنا يسعدك يا حبيبتى بجد انا مبسوطه اوى ومش عايزه حاجه من الدنيا دى ربنا بعت لبناتى 3عرسان بيحبوهم وبيسعدوهم الف حمد والف شكر على نعمته
مليكه :- ده بركة دعائك لينا يا ماما هى اللى وقفه لينا دلوقتى واحنا عايشين بحسك فى الدنيا دى المهم فين مها والاوزعه اباركم ليهم
فايزه :- مها نزلت راحت الجامعه بتعتها ومى نايمه فى اوضتها وقالت انها مش هتروح الجامعه علشان مش عندها حاجه مهما
مليكه :- خلاص انا بليل ابقى اكلمهم
فايزه :- ده رقم مين
مليكه :- رقمى الجديد فهد جاب ليا التليفون ده امبارح بدل اللى ضاع
فايزه :- ربنا يخليهولك
مليكه :- يارب يا ماما مع السلامه
فايزه :- فى رعاية الله يا بنتى
وقفلت مليكه مع امها واتصلت على فهد
مليكه :- واحشتنى على فكره
فهد :- ههههههه وانتى اكتر لسه كنت ماسك التليفون وهطلبك
مليكه :- القلوب عند بعضيها
فهد :- انا قلبى وعقلى عندك مش عارف اركز فى الشغل بسببك عمال افكر فيكى
مليكه :- وانا برضه مش عارفه اقعد فى الاوضه حاسه بحاجه نقصانى
فهد :- ثوانى يا قلبى وبعدين قال ايه ده ياسهر
سهر :- مش عارفه حضرتك فى حد جابه ليك ومشى
فهد :- ماشى هاتى وروحى على مكتبك
وخرجت سهر ورجع تانى اتكلم مع مليكه
مليكه :- فى ايه يا عمرى
فهد :- مش عارف السكرتيره جابت ليا ظرف شكله غريب وقالت ان فى حد سابه ليا
مليكه :- بأستغراب ظرف ما يمكن يكون تبع الشغل
فهد :- لا مش تبع الشغل والا كان جه بطريقه رسميه للسكرتيره عن طريق بريد الشركه مش حد يجيبه ويسلمه ليها شخصيآ
مليكه :- خلاص افتحه وشوف فيه ايه وانا معاك
فهد :- طب ثوانى خليكى معايه
ومسك الظرف وفتحه واتصدم من اللى شافه
مليكه :- ايه يا فهد كل ده
فهد :- ……………………………
مليكه :- فهد رد عليا قلقتينى
فهد :- ……………………………
مليكه :- ف.ف.ف وسكتت وقالت ده قفل السكه وجربت تانى عليه بس مردش عليها قالت فى ايه يا فهد قلقتينى عليك وحطت التليفون على الكومدينو وقامت خرجت من الاوضه ونزلت وقالت
مليكه :- صباح الخير
فريد وناديه :- صباح النور يا حبيبتى
سهير :- بصت ليها بقرف وقامت وطلعت اوضتها
ناديه :- سيبك منها وتعالى اقعدى جمبى
مليكه :- قعدت جمب ناديه
فريد :- فطرتى يا حبيبتى
مليكه :- لا يا بابا مليش نفس
فريد :- لا انتى كده هتزعلى ابوكى منك ليه مأكلتيش
مليكه :- يمكن علشان اول مره فهد يبعد عنى
ناديه :- معلش يا حبيبتى كلنا كنا كده فى الاول وبعد كده اخدنا ان احنا نقوم نفطر لوحدنا
مليكه :- يمكن علشان من ساعة ما اتجوزنا فهد كان علطول بيبقى معايه حتى لما كان عامل الحادثه كنت قعده معا فى العنايه مبعدش عنه لحظه
فريد :- ربنا ميحرمكمش من بعد ابدآ
وفى الوقت ده دخلت مروه
مروه :- بقرف هاى
محدش رد عليها
مروه :- هوف الجو هنا بقى يخنق
وفى الوقت ده دخل فهد وهو متعصب
مليكه :- بفرحه فهد كويس انك جيت قلقت عليك لما الخط قفل ومردتش على اتصالى
فهد :- مسكها من شعرها وقال بقى انا يا زباله حتة بنت شمال تضحك عليا مفكرانى مكنتش هعرف حقيقتك
الكل اتصدم من اللى بيقوله فهد ومحدش فاهم حاجه غير واحده بس مروه
مروه :- ابتسمت ابتسامة انتصار
سهير :- جت على صوت فهد
مليكه :- اااااااه شعرى يا فهد وايه الكلام اللى انت بتقوله ده
فهد :- بقى انا فهد المنشاوى تعملى معايه كده
ناديه :- يا ابنى استهده بالله كده وفهمنا فى ايه وسيب البت شعرها هيطلع فى ايدك
فهد :- مش عايز اسمع نفس حد فيكم
مليكه :- طب فى ايه انا مش عارفه فى ايه
فهد :- فى انك واحده و***** وانا اتخدعت فيكى ومستحيل تقعدى لو للحظه واحده هنا وساب شعرها ومسكها من درعها ومشى وشدها وراه
مليكه :- بدموع طب فهمنى انا عملت ايه
فهد :- فتح الباب وحدفها بره وقال زى ما جبتك من الشارع هرميكى رمية الكلاب وزى ما عيشتك يومين هنا هعيشك اسود ايام عمرك اطلعى بره يا زباله وورقتك هتوصلك بررررررررره وقفل باب الفيلا فى وشها
فريد :- ممكن بقى تفهمنا فى ايه
فهد :- انا قولت محدش يسألنى وسابهم وطلع على اوضه
سهير ومروه :- بصو لبعض وضحكو ضحكت انتصار
وفريد وناديه :- قعدو مصدومين من اللى حصل
وبعد شويه استأذنت مروه وطلعت وبصت تتأكد ان مفيش حد شايفها وفتحت باب اوضت فهد ودخلت وقفلت الباب وراها
فهد :- انتى جايه هنا ليه لوسمحتى اطلعى بره
مروه :- قعدت جمبه على السرير وقالت لالالا اهدا كده اهى راحت فى داهيه بلاش تعصب نفسك فى ناس عايزينك فى انا وابنك محتاجينك جمبنا
فهد :- مروه لو سمحتى سبينى واطلعى بره
مروه :- قربت منه اوى وقالت مقدرش ابعد واسيبك يا فهد انا بحبك
فهد :- كلكم خاينين
مروه :- انا مخونتكش انا اتجوزت غصب عنى لما عرفت ان انا حامل منك كنت بحاول استر على فضيحتى
فهد :- لو كنتى جيتى وقولتى ليا من الاول انك حامل كنت هتجوزك
مروه :- خوفت يا فهد وادينى رجعت ليك ومعايه ابنك وبطلب منك نتجمع ونبقى عيله واحده انا بحبك يا فهد ادينى فرصه ارجع حبى فى قلبك زى الاول وقربت على شفايفه ولسه هتبوسه
فهد :- مروه مش هينفع هنا حد يدخل علينا تعالى بليل فى الشقه نبقى براحتنا اكتر
مروه :- بفرحه بجد يا فهد يعنى انت سمحتنى
فهد :- طبعآ لسه بس حاسس ان انا مشتاق ليكى ومع الوقت وشطارتك تقدرى تنسينى اللى حصل منك
مروه :- ده انا هنسيك اللى حصل وهعيشك اسعد راجل فى الدنيا بكره تشوف وبسته فى خده وطلعت تجرى من الاوضه وهى مبسوطه
……………………………………………………
فى شقة اسر
وصلت مليكه وهى منهاره وبتعيط
وطلعت ورنت الجرس
فايزه :- فتحت واتصدمت من منظر مليكه وقالت مالك يا بنتى ومين عمل فيكى كده
مليكه :- بدموع فهد هيطلقنى يا ماما
فايزه :- بصدمه ليه ايه اللى حصل
مليكه :- بدموع مش قادره اتكلم دلوقتى يا ماما ودخلت تجرى على اوضتها
فايزه :- مسكت تليفونها واتصلت على اسر
اسر :- السلام عليكم
فايزه :- وعليكم السلام اسر عايزاك تيجى بسرعه دلوقتى
اسر :- خير يا مرات عمى حد من البنات جرى ليه حاجه
فايزه :- مليكه يا اسر جايه منهاره وبتعيط وبتقول فهد هيطلقها
اسر :- بصدمه ايه طب هى مقالتش ايه اللى حصل
فايزه :- لا دخلت اوضتها ومحكتش حاجه
اسر :- ماشى يا مرات عمى اقفلى وانا هجيب مها وجاى
وقفلت فايزه مع اسر وقالت
فايزه :- هو احنا مش مكتوب لينا الفرح ابدآ يا عينى على بختك يا بنتى
……………………………………………………
فى فيلا فريد المنشاوى
وصل فارس وعرف باللى حصل وطلع خبط على باب اوضت فهد
فهد :- مش عايز اكلم حد لو سمحتو
فارس :- فتح وقال ولا حتى انا يا فهد
فهد :- فارس وحط وشه فى الارض
فارس :- دخل وقعد جمب فهد وقال ايه اللى انا سمعته ده يا فهد انت ليه عملت كده فى مليكه
فهد :- فارس مش عايز اتكلم فى الموضوع ده تانى ومليكه ورقه وخلصت خلاص وهطلقها
فارس :- بس مليكه متستهلش كده منك دى وقفت جمبك وانت فى المستشفى ومكنتش بتاكل ولا بتشرب بالايام علشان متخرجش من الاوضه وتسيبك يبقى ده رد المعروف ليها
فهد :- بعصبيه فارس انا قولت قفل على الموضوع ده تانى ممكن
فارس :- براحتك يا فهد بس صدقنى هتندم فى وقت مينفعش فيه الندم
وسابه وخرج من الاوضه
فهد:- عااااااااا ليه ليه ليه
وقام خرج من اوضه ونزل ركب عربيته وراح على الشقه
……………………………………………………
فى شقة اسر
وصل اسر ومعا مها ورن جرس الباب وفتحت ليهم مى
مها :- فين مليكه يا مى
مى :- فى اوضتها ومش راضيه تفتح لحد
مها :- دخلت وراحت عند باب اوضت مليكه وخبطت وقالت افتحى يا مليكه احسن ما اخلى اسر يكسر الباب
مليكه :- ……………………………
مها :- بتكلم جد يا مليكه لو مفتحتيش الباب دلوقتى هخلى اسر يكسر الباب بجد
مليكه :- فتحت الباب ودخلت تانى
اسر :- لسه هيدخل
مها :- لا خليك انت يا اسر انا هدخل اتكلم معاها لوحدى
اسر :- ماشى يا مها بس بلاش تضغطى عليها اوى
مها :- ماشى
ودخلت وقفلت وراها الباب وبعد وقت طويل خرجت مها من اوضت مليكه
فايزه :- ها يا مها عرفتى ايه اللى حصل مع اختك
مها :- خير ان شاءالله بس سبوها دلوقتى ومحدش يسألها
فايزه :- طب ريحى قلبى يا بنتى اختك ايه حصل ليها
مها :- هقولكم
……………………………………………………
فى شقة فهد
كان قاعد فى اوضه وسمع صوت جرس الباب قام فتح وكانت على الباب مروه
مروه :- حضنت فهد وقالت واحشتينى اوى يا فهد
فهد :- طب اوعى اقفل الباب احسن ما حد يشوفنا
مروه :- بعدت عنه وبدأت تفتح زارير البلوزه بتعتها
فهد :- قفل الباب وبيبص اتفاجئ بمروه بتفتح البلوزه قال انتى بتعملى ايه
مروه :- ايه بجهز انت واحشنى اوى يا فهد وغمزت ليه وقالت ايه مش وحشاك ولا ايه
فهد :- واحشانى طبعآ بس قولت نشرب حاجه الاول وبعدين ندخل الاوضه واوريكى قد ايه انتى واحشانى
مروه :- قربت على فهد وقالت انا مش عايزه اشرب حاجه انا محتاجه لحبك وحنانك وشدته للاوضه
فهد :- اهدى بس وكل اللى انتى عايزه هعمله ليكى واكتر كمان وهعيشك ليله ولا الف ليله وليله مش هتنسيها عمرك بس الاول تعالى نامى فى حضنى ونام على السرير
مروه :- نامت فى حضن فهد وقالت يااااااااااه قد ايه حضنك واحشنى اوى
فهد :- بسها فى رسها وقال متنسيش ان انتى اللى بعدى عنه
مروه :- خلاص بقى انسى
فهد :- انتى عارفه ايه اكتر حاجه مزعلانى منك
مروه :- ايه
فهد :- انك حتى لما رجعتى ولاقتينى مع واحده غيرك محاولتيش ترجعينى ليكى
مروه :- لا بلعكس انا عملت كتير علشان ارجعك ليا يكفى ان عرفتك ان عدى ابنك
فهد :- لا مش كده حسيت انك عادى سيبانى لواحده تانيه ولا همك معملتيش حاجه تخدينى منها ليكى
مروه :- لا عملت كتير علشان اثبتلك ان انا اللى بحبك مش هى
فهد :- لا انتى بتقولى كده ايه يثبت صدق كلامك
مروه :- لا عملت كتير علشانك لو مكنتش انا وامك كان زمان مليكه حامل منك وملزوم بعيل منها طول العمر
فهد :- مش فاهم
مروه :- انا كنت بحط لمليكه حبوب منع الحمل فى العصير علشان متحملش منك
فهد :- وامى كانت عارفه
مروه :- ايوه علشان تعرف بس مين اللى بيحبك صدقنى يا فهد بعدى عنك زمان كانت غلطه ودفعت تمنها غالى لما اتجوزت فارس وعشت مع راجل محبتهوش وابنى بينادى لواحد تانى غير ابوه ويقوله يابابا بس خلاص انا رجعت ليك تانى وهطلق من فارس وهعيش انا وابنى معاك علطول ونبقى اسره واحده
فهد :- مسكها من شعرها وضربها بالقلم وقال اه يازباله الكل سمع وشاف حقيقتك وفى الوقت ده دخل فارس وفريد وناديه ومليكه
مروه :- ا.ا.انت كنت بتضحك عليا وناصب ليا فخ يا فهد
فهد :- بقرف كان لازم اعمل كده علشان الكل يعرف حقيقتك الوسخه منك انتى وكان لازم فارس يسمع بودنه علشان يصدق ويعرف قد ايه انك واحده واطيه وزباله
مليكه :- وقفت قصدها وضربتها بالقلم وقالت كنتى عايزه توقعينى بس شوفى ربنا كشفك انتى ووقعك فى شر اعمالك
مروه :- يعنى ايه
ناديه :- يعنى انا شكيت فيكى لما لاقيتك نازله فى الوقت المتأخر ده لبست هدومى ونزلت وراكى ومشيت بالعربيه وراكى ولما انتى نزلتى من عربيتك نزلت انا كمان ومشيت وراكى ووقفت فى مكان يسمح ليا اسمع الكلام اللى بتقوله وسمعتكم وعرفت نيتك الشر وعرفت انك ناويه تخربى حياة فهد ومليكه
……………………………………………………
فلاش بااااااااك
ناديه :- ادخل يا فهد واقفل الباب وراك
فهد :- حاضر يا نانا ودخل فهد وقفل الباب وراه وقعد على الكرسى وقال خير يا نانا ايه هو الموضوع المهم ده
ناديه :- مروه
فهد :- مالها زفتت الطين دى
ناديه :- بتلعب لعبه من وراكم وعايزه تخرب علاقتك مع مليكه
فهد :- ازاى وانتى عرفتى منين
ناديه :- رقبتها وعرفت انها معاها تليفون مراتك وعليه صورها ادته لواحد وطلبت منه يعمل صور وحشه لمليكه علشان انت تشوفها تصدقها وتطلق مليكه
فهد :- بنت ال•**** ودينى لاطلع روحها فى ايدى
ناديه :- اهدا وبلاش عصبيه البت دى مش سهله وممكن تقنع اخوك انك بتضربها علشان عايز منها حاجه
فهد :- يعنى اسبها كده
ناديه :- لا احنا نخليها هى اللى تقع فى شر اعملها
فهد :- ازاى مش فاهم
ناديه :- يعنى احنا نعمل عليها خطه نقنعها ان انت شوفت الصور وصدقت اللى شوفته وتكون متفق مع مليكه وتعمل انك بتضربها وتطردها من الفيلا وتقنع مروه انك هطلق مليكه وهى فى اقرب فرصه هتدخل ليك الاوض علشان تقنعك ان هى احسن من مليكه هتتفق معاها انك تقابلها فى الشقه وتنزل انت الشقه وانا وابوك هندخل لفارس ونفهمو على كل حاجه وهنجيبه هو ومليكه ونيجى الشقه ومعايه مفتاح الشقه هندخل تكون انت اقنعتها انك لسه بتحبها بس زعلان منها ان هى محاولتش تعمل حاجه علشان خاطرك وهى ما هتصدق وتحكى ليك كل حاجه وفارس يسمع بودنه علشان يصدق ويعرف مروه على حقيقتها وفى نفس الوقت هنكون احنا جمب فارس علشان ميتهورش ويعمل حاجه يخسر بيها مستقبله
فهد :- ماشى يا نانا بس بالله عليكم خلى بالك على فارس احسن هتبقى صدمه كبيره ليه
ناديه :- متخفش احنا هنبقى جمبه المهم امك متعرفش حاجه احسن لو عرفت هتنبه مروه
فهد :- لالالا محدش هيقول ليها حاجه
……………………………………………………
وفى اوضت فهد
فهد :- مليكه عايز اقولك على حاجه
مليكه :- قول يا فهد
فهد :- حكى ليها على كل اللى قالته ناديه
مليكه :- يا نهار اسود هو فى ناس بالشر ده د.د.دى شيطانه مش بنأدمه
فهد :- اهم حاجه يا مليكه متزعليش من اللى هيحصل بكره انا لازم اقنعها ان انا صدقت الصور
مليكه :- مش مهم عندى اى حاجه من اللى هتحصل فى الفيلا انا اهم حاجه عندى فى الشقه اياك تلمسها من بعيد لبعيد عارف لو لمستها هدخل اطلع روحك وروحها
فهد :- ههههههههههه واهون عليكى
مليكه :- مش بهزار يا فهد اياك تلمسها
فهد :- حاضر يا ستى مش هلمسها وبعدين يا عبيطه انا عينى مش شايفه غيرك وعمرى ما اقدر المس واحده غيرك وحضنها
……………………………………………………
بااااااااااااك
مروه :- يعنى كنت لعبه فى ايديكم ماشى انا هوريكم كلكم بس قبل ما تخلص كلامها
فارس :- مسكها من شعرها وقال انتى ايه شيطانه ليكى عين بتتكلمى ده انا لو منك ماارفعش عينى فى حد واتكسف لكن انتى واحده و******عادى بالنسبه ليها كل اللى بيحصل وضربها بالقلم ورجع ضربها بالقلم مره تانيه وقال انتى طالق طالق طالق وقطع من عليها البلوزه وقال زي
ما جبتك من الشارع هرميك للشارع وشدها وفتح الباب وحدفها قدامه
وقفل الباب
مروه :- كده ماشى هوريكم كلكم هعرفكم تبقى مين مروه انا هخليكم تندموه هنتقم منكم واحد واحد وانت يا فهد هتبقى ليا انا وبس ومش لحد تانى وهتيجى راكع ليا وتبوس رجلى علشان اسامحك وقامت وقفت نفضت نفسها ونزلت الشارع ومكنش معاها مفاتيح العربيه قالت يوووووه يعنى همشى ازاى كده وكانت عربية شباب سكرانه ماشيه فى الشارع
شاب 1:- اوووووبا شايفين البت دى طلقه
شاب 2:- دى شكل الليله هتحلو النهارده
شاب3:- طب وقف العربيه وهاتها
شاب4:- طب افرض رفضت
شاب3:- نخدوها غصب عنها وزنقو عليها بالعربيه
شاب2؛- حلاوتك يا ابيض ما تيجى يا جميل واحنا هنظبطك
مروه :- بقولكم ابعدو عنى احسن مااطلع قرفى كله فيكم
شاب1:- لا شكلها كده مش هتيجى بالذوق ونزلو الشباب وركبوه مروه معاهم بالعافيه فى العربيه
مروه :- سيبونى يا ولاد *****
ومشيو الشباب بالعربيه وهى فيها مروه
……………………………………………………
فى شقة فهد
كان فارس منهار وعمال يكسر فى كل حاجه فى الشقه
فهد :- مسكه وقال اهدا يا فارس شويه
فارس :- زقه وقال ابعد عنى انت السبب انت اللى خربت حياتى لو مكانش ماضيك معاها كانت هتكون عايشه ومبسوطه معايه
فهد :- فوق يا فارس مروه شيطانه هى مش مهم عندها البنأدم كل اللى يهمها الفلوس وبس واديك سمعت بودنك كانت هتأذينى انا ومليكه وكانت بتحط حبوب منع الحمل ليها فى العصير دى واحده ما يتندمش عليها يا فارس مش مروه اللى تستهلك مش مروه
فارس :- قعد على الارض وعيط وقال وعدى ازاى هقدر اعيش من غيره ازاى اقدر اقنع نفسى ان هو مش ابنى ولا انا ابوه ازاى ازاى
فهد :- صعب عليه فارس قعد فى الارض وحضنه وقال يا فارس عدى ابنك انت انت اللى ربيته وعيشت معا احلى لحظات حياته عشت معا اول خطوه مشاها اول كلمة بابا نطقها اول مسكت ايد حاضرت مراحل عمره انت ابوه يا فارس حتى لو مش بالجينات بس بالحب والحنيه اللى عشتوها سوا
ناديه :- هى كلبه وراحت فى داهيه المهم انتو الاخوات تفضلو جمب بعض ومحدش يقدر يفرقكم انتو مش ليكم غير بعض الواحد لما حاجه بتوجعه اول كلمه بيقولها اخ يعنى بينادى على اقرب شئ ليه على لحمه ودمه على صلة الرحم اللى ربنا امرنا نوصلها مهما حب الراجل للواحده ميقدرش برضه يستغنى عن اخوه او اخته دى اكبر حاجه انتشرت فى وقتنا ده ان الواحد مستعد يبيع اخوه واخته فى سبيل يرضى الهانم ست الحسن والجمال مع ان اول ما بيحصل حاجه ويقع مش هيلاقى جمبه غير اهلو غير اخ يتسند عليه واخت هتشيله برموش عيونها ياريت كل واحد وواحده تقدر نعمة الاخوه علشان دى نعمه كبيره ربنا انعم علينا بيها
فريد :- عندك حق يا ماما ربنا يخليكم لبعض وتفضلو سند لبعض فى الدنيا يارب
مليكه :- اللهم امين
ناديه :- يلا بينا
فهد :- يلا بينا فين
فريد :- الفيلا
فهد :- مستحيل هقعد تانى فى الفيلا بعد اللى ماما كانت بتعمله فى مراتى
ازاى جالها قلب تعمل كده فى ابنها ومرات ابنها عايزه تحرمهم من الخلفه من ابسط حقوق السعاده بالنسبه ليا
فريد :- حقك عليا يا ابنى وانا هعرف اجيب ليك حقك منها بس بلاش تحرمنى منك
فهد :- انا اسف يا بابا انا هنزل معاك هروح اجيب هدومى وهدوم مراتى وهعيش هنا فى الشقه بتاعتى
ناديه :- خلاص يا فريد سيبه على راحته اليومين دول لحد ما يهدا شويه وبعدين يبقى يحلها ربنا من عنده
ونزلو كلهم وركبو العربيه وراحو على الفيلا
……………………………………………………
فى فيلا فريد المنشاوى
وصلو كلهم وكانت سهير مستنياهم
سهير :- بعصبيه انتو كلكم كنتو فين كده بربطة المعلم
فهد :- مردش عليها ومسك ايد مليكه وقال تعالى يا مليكه نحضر الشنط
سهير :- بقى كلكم رحتو ترجعه الهانم بقى
فريد :- فهد اطلع اوضك شوف هتعمل ايه وخد مراتك معاك
فهد :- حاضر يا بابا وطلع فهد ومليكه للاوضه
سهير :- ما حد فيكم يفهمنى هو فى ايه بالظبط بس قبل ما تخلص كلامها
فريد :- رفع ايده ونزل بيها على وشها وضربها بالقلم
سهير :- اتصدمت وحطت ايديها على وشها وقالت ا.ا.انت بتمد ايدك عليا
فريد :- وكان لازم اعمل كده من زمان سنين وانا مستحمل تكبرك وغرورك وقول اهى بتدلع عيشتينى محروم من حاجات كتير ومن ابسط حقوقى كاراجل وقول معلش سيدة مجتمع اهملتى اولادك وامى ربيتهم واقول معلش لكن توصل انك تأذى مرات ابنك وتحطى ليها حبوب منع الحمل فى العصير علشان متخلفش من ابنك اهو ده اللى مش هسمح بي انتى ايه يا شيخه ما صعبش عليكى ابنك وانتى بتحرميه من حقوقه يعيش اب من واحده بيحبها مصعبش عليكى وانتى بتخطفى السعاده منه منك لله يا شيخه روحى وانتى ط
ناديه :- قطعته وقالت بلاش يا فريد انتو كبرتو والعمر مفهوش علشان تطلقها
فارس :- علشان خاطرنا احنا بلاش
فريد :- انا هخليكى عايشه معانا فى الفيلا بس انتى بالنسبه ليا انتهيتى موتى خلاص
سهير :- ح.ح.حق عليا يا اخويه انا غلطانه واستاهل كل اللى تقوله بس بلاش تبعد عنى
فريد :- بصلها بقرف وسبها وطلع على اوضه
وطلعت ناديه على اوضتها وطلع فارس ودخل اوضت عدى وهو نايم
قعد جمبه وقعد يبص عليه ويعيط
فارس :- من هنا ورايح انت بقيت ملزوم من حد تانى خلاص مبقتش ابنى ولا انا ابوك اكتر حاجه كسرت ضهرى بجد خلاص هتحرم من حضنك ليا لالالا ا.ا انا لازم ابعد عن هنا مش هستحمل اسمعك تقول كلمة بابا لحد تانى انا لازم اسافر وارجع اعيش تانى بره وباس راسه وقال هتوحشنى اوى يا يا يا ابنى
وقام جرى دخل اوضه يحضر شنتطه
……………………………………………………
فى اوضت فهد
مليكه :- فهد
فهد :- ايوه
مليكه :- بلاش تيجى على امك
فهد :- انتى اللى بتقولى كده
مليكه :- يا فهد دى امك ومهما تعمل فيك امك برضه اللى ربنا وصاك عليها فى المصحف مهما تعمل فيك تطعها الا طبعآ لو امرتك الشرك بالله ده بس اللى مش مسموح ليك انك تطعها بس برضه تعاملها بأحسان وعمرك ما تقولها كلمه تجرحها ومهما تعمل فيك برضه تبوس راسها ومتنساش ان هى اللى تعبت فيك وهى حامل وتعبت فيك مع كل طلقه وهى بتولدك علشان خاطرى يا فهد بلاش تقسى عليها
فهد :- وانا مش هقدر انسا انها كانت عايزه تحرمنى وتحرمك ان نكون اب وام لطفل
ويلا بينا وشال الشنط وفتحت مليكه الباب وخرجو من الاوضه ونزلو من على السلم
سهير :- فهد حق عليا ولو عايزنى ابوس رجل مراتك علشان ترضه عليا ومتسبش الفيلا مستعده اعملها
مليكه :- العفو يا طنط متقوليش كده انتى زى امى عمرى مرضاها لامى ولا ليكى
سهير :- حق عليا يا بنتى بس خليه يرضه يسامحنى
مليكه :- انا لو عليه والله ما زعلانه منك بصى سبيه يهدا شويه وان شاءالله نرجع تانى
فهد :- بعصبيه مليكه امشى يلا قدامى
سهير :- يا فهد رد عليا
فهد :- يلا يا مليكه مش هقول تانى
مليكه :- طب يا فهد اهدا شويه
فهد :- متخلنيش اتعصب عليكى بقولك امشى
مليكه :- بصت لسهير بقلة حيله ومشت مع فهد
سهير :- فهد متمشيش حق عليا
فهد :- ركب عربيته هو مليكه ومشيو
وفى الوقت ده نزل فارس ومع الشنط بتاعته
سهير:- وانت رايح فين كمان
فارس :- انا مسافر تانى يا ماما
سهير :- انتو كلكم هتمشو تسبونى
فارس :- صعب اقعد هنا تانى يا ماما صعب ومشى حط الشنط فى عربيته ومشى
سهير :- ع.ع.عياللللللى ووقعت فى الارض اغمى عليها
……………………………………………………
فى شقة فهد
وصل فهد بالعربيه ونزل من العربيه وشال الشنط ونزلت مليكه وطلعو الشقه فتح فهد باب الشقه ودخلت مليكه ودخل فهد وقفل باب الشقه
مليكه :- فهد
فهد :- لو هتتكلمى فى موضوع امى يبقى بلاش علشان ما اتعصبش عليكى وتزعلى
مليكه :- بس صعبت عليا يا فهد دى امك برضه مينفعش كده
فهد :- اسكتى يا مليكه ويلا ننام علشان عندى شغل الصبح ودخل الاوضه وسبها
مليكه :- لا حول ولا قوة الا بالله ودخلت وراه فهد غيرو هدومهم ونامو

*********************
إلي هنا ينتهي الفصل السابع والعشرون من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق